Diferencia entre revisiones de «Giotto di Bondone»

Naixito en una familia campesina d'a [[Toscana]], posiblemén clamato Ambrogio, pareix seguro que se formó con o pintor [[Cimabue]]. A obra més antiga que li atrebuyen bels espertos son os frescos d'a ilesia superior d'Asís, en concreto a ''Istoria de san [[Franzesco d'Asís]]''. En [[1304]], Giotto se tresladó ta [[Padua]] á fin de pintar os frescos que a familia Scrovegni li encargó ta una de d'as suyas capiellas. Ixos frescos son os unicos que li se atrebuyen con seguranza, e encluyen un Chuizio Final (en o muro ueste), una Anunziazión (en l'arco d'o presbiterio) e bellas eszenas d'a Bida d'a [[Birchen María|Birchen]] e d'a [[Pasión de Cristo]] (en os altros muros). A obra en plegato amuestra una nueba conzezión d'a pintura per l'atenzión que para l'artista igual ta la creyazión d'efeutos de perspectiba como ta la unificazión d'o espazio, que aconsigue entegrar as feguras con os elementos arquitetonicos que lis fan de bastida. L'uso de colors puras e matizatas acobalta la solemnidat e o dramatismo de d'as eszenas.