Diferencia entre revisiones de «Berbers en Al-Andalus»

En o [[Antiga Roma|periodo román]] y [[bisigodo]], os berbers d'o [[Rif]] ya feban espedizions de saqueyo en [[Baetica]]. A más gran parte de l'exerzito que entro en [[Ispania]] y fazió desaparixer o [[reino bisigodo]] yera formato por [[berber]]s. O fazil d'a bitoria y d'a [[ocupazión militar]] animó á berbers de muito más luent que o Rif, y mesmo de d'as actuals [[Libia]] y [[Mauritania]], á entrar en [[Al Andalus]].

Os berbers de d'as Marcas yeran guardians permanens de d'as mugas con os [[Cristianismo|cristians]] y protecheban l'interior d'o país ocupato por os musulmans. Guardaban os castiellos y comunicazions d'o sistema defensibo de muga de l'[[Al-Andalus]].

Berbers de d'as Marcas u ''tugur'' yeran en [[Provincia de Cuenca|Cuenca]], [[Provincia de Guadalachara|Guadalachara]], [[Provincia de Toledo|Toledo]], a zona d'o [[Guadiana]] con [[Merida]], y zonas de más á norte dica as cuencas d'o [[Tajo]] y [[Mongego]] con [[Talavera de la Reina|Talavera]], [[Coria del Río|Coria]], [[Medellín]], [[Astorga]] y [[Coimbra]]. Estos zagueros comunicaban con atro nuclio en l'Alto [[Duero]] y o [[Río Xalón|Xalón]] que tamién yeran en contauto con nuclios dispersos en a ''Marca Superior'' u [[Bal de l'Ebro]], como os berbers de [[Monzalbarba]]. En l'este de [[Provincia de Cuenca|Cuenca]], [[Provincia de Teruel|Teruel]] y [[Provincia de Zaragoza|Zaragoza]] entran en contauto con os berbers d'o nuclio Lebantín (''[[Micnasa]]'' en [[Mequinenza]] y ''[[Hawwara]]'' en [[Fabara]]).

Parte d'o territorio d'as actuals provincias de [[Provincia de Cuenca|Cuenca]], [[Provincia de Teruel|Teruel]], [[Provincia de Guadalachara|Guadalachara]] y norte de [[Provincia de Toledo|Toledo]] se dizió [[Cora de Santabariya|Cora de ''Santavariya'']] u ''Santaver'' (pronunziazión arabe de [[Zeltiberia]]), y a suya parte norte teneba más carauter de muga que atras coras de l'[[Al-Andalus]]. A más gran parte d'os berbers de d'as marcas yeran [[Hawwara]] y [[Madyuna]], pero tamién i eba [[Ausacha]] (en [[Osella]]), Malzuza, Ulhasa, Sadina, Madyuna y [[Mezmut (confederazión tribal)|Mezmut]].

Os berbers Lebantins yeran en comarcas de d'as actuals [[Provincia d'Alicant|Alicant]], [[Provincia de Valencia|Valencia]], [[Provincia de Castellón|Castellón]], [[Provincia de Cuenca|Cuenca]], y [[Provincia de Teruel|Teruel]]. Teneban presenzia en o [[río Xiloca]] meyo y alto y as bals d'o [[río Guadalabiar|Guadalabiar]], [[Río Cabrigüel|Cabrigüel]], [[Río Millars|Millars]] y [[Río Alfambra|Alfambra]]. Yeran espezialment d'orichen [[Hawwara]] (dixando toponimos tipo [[Fabara]]), y [[Madyuna]], con presenzia de [[Confederazión Zenacha|Zenachas]] y [[Confederazión Zanata|Zenatas]] en o lebant meridional (dixando toponimos como [[Senija]], [[Adzaneta]] y [[Oliva (Valencia)|Oliva]]). En Alicant se documenta os ''Banu l-Jarrubi''. En [[Taifa d'Alpuén|Alpuent]] yeran presens os ''Banu Dasim'' d'o grupo [[Kutama]]. En [[Teruel]] e [[Billel]] yeran emirs os ''Banu Amira'' e os ''Banu Gazlun'', que pertenexeban á la tribu ''Ulhasa'', branca d'os [[Nafza]].

En as [[Balears]] se crei que i abió clans y familias [[Confederazión Gomara|Gomara]], Matgara, [[Hawwara]], [[Confederazión Mezmut|Masmuda]], [[Zanata]], Sadina, Malila, Nafza, Taskura y Masufa. Os ''Banu Ganiya'', que yeran representans d'os [[Almorabez]], en o gobierno de d'as islas yeran masufas.