Diferencia entre revisiones de «Confederación Zanata»

S'ha especulato con que son deszendiens de d'os antigos [[numida]]s, que ocupaban en parte as mesmas zonas. Dos tribus zanatas, [[Aurebas]] y [[Cherabas]] resistioron a primera penetrazión arabe pero sin esito.

Dimpués de lur derrota bels zanatas se desplazoron chunto a u debant de d'os arabes ta l'ueste, plegando ta o [[Rif]] oriental y a cuenca d'o [[río Muluia]], on i eran atras agrupazions berbers como os [[Betalsa]] y os [[Micnasa]] a los que asimiloron y desplazoron.

Yeran aliatos de d'os [[Omeyas]] contra os Fatimitas d'Echipto y enemigos d'a [[Confederazión Zenacha]], con os que se disputaban os oasis de entre l'Altas y o Sahara. Muitos zanata pasoron ta l'[[Al-Andalús]] en diferens etapas, a begatas como aliatos de d'os Omeya. En o [[sieglo X]] ocuporon os oasis d'o sudeste de Marruecos, con o más importán: [[Sichilmasa]].

En a parte ueste bi eba diferens reinos zenatas, pero os [[almorabet|almorabez]] acotoloron toz os reinos que bi eba en l'este de Marruecos. Dimpués de d'os [[Mezmut|mezmuz]], que yeran d'a [[confederazión mezmut]], bels zanatas formaron atro estato estendito por güena parte d'o Magreb, os [[benimarin]]s, que tenioron relazions cheopoliticas con o [[reino de Granada|raino Nazarín de Granada]].

[[Ibn Khaldun]] escribió bella cosa sobre os berbers, y deziba de d'os zenatas que yeran una de as tres dibisions d'estos zaguers y que teneban una luenga particular. De feito en as clasificazions atuals de las luengas y dialeutos berbers bi ha un grupo clamato [[zanata]].

Güei se consideran Zanatas u deszendiens de d'os Zanata bels grupos berbers:

*Os berbers de d'os mons de l'[[Aurés]] y [[Hodna]], ([[Chagüiya]])