Diferencia entre revisiones de «Parla d'o Matarranya»

No esiste diferenziazión gran ni neta con as [[parla (lingüistica)|parla]]s de a [[Tierra Alta]] y [[Baxo Ebro]] en a [[provincia de Tarragona]], ni con as parlas de [[Los Puertos de Moriella]] y norte de [[Provincia de Castellón|Castellón]], sin d'embargo si esiste una diferenziazión gran con as parlas de d'o Mezquín-Guadalop. [[Balchunquera]] pertenexe a este zaguer grupo.

As parlas de d'o Matarraña son omochenias fueras de os casos de [[La Fraxneda]], [[Fabara]] y, sobre tot en a parla [[Maellán|maellana]], esta zaguera con trazas [[Catalán ribagorzano|ribagorzanas]].

As trazas más chenerals muestran as caracteristicas de d'o catalán nordoccidental, como l'articlo ''lo'', u o presén de subchuntibo, y ye más a mán de d'o catalán nordoccidental más basico más que o [[fragatín]] u o [[catalán ribagorzano|ribagorzano]]. Sindembargo esisten bellas trazas meridionals u balenzianas, como o preterito imperfeuto de subchuntibo, que fan que a parla matarrañesa se clasifique como parlas de transizión entre o catalán nordoccidental y o balenzián, egual que o tortosín. A influyenzia de d'o catalán metropolitán con a costruzión ''els-hi'' aplega dende [[Tortosa]] y [[Gandesa]].