Diferencia entre revisiones de «Mozarabismo (lingüistica)»

Esisten '''mozarabismos''' en totas as lenguas peninsulars. A begatas una palabra puede tener una parte [[arabe]] y atra [[idioma mozarabe|mozarabe]]. Os mozarabes que emigraban ta os reinos de d'o norte no nomás aportoron mozarabismos, tamién yeran intermeyarios en a transmisión d'arabismos, ya adautatos a lur fonetica romanze.

Os rasgos foneticos tipicos de l'[[andaluz]] no se deriban de d'o mozarabe local, ye demostrato que s'han desembolicato autonomamén. O seseyo y zezeyo fue traito ta Malaga y Granada por cristians de l'Andalucía Atlantica que repobloron a zona dimpués de a conquista d'estos zaguers reduztos musulmans.

O catalán de la Catalunya Nueba, ([[Lleida|Leida]], [[Tortosa]], etz..), [[Valencia]] y [[Balears]] tiene bels mozarabismos como ''Clòtxina'', ''Fardatxo'', ''Horxata''. Un mozarabismo prou común ye ''moreno'', que ha sustituito de tot a ''brú''. O mozarabe no esplica a más gran parte de as diferenzias, ni sisquiera as lesicas, entre as barians de catalán, como s'ha quiesto beyer. As palabras diferens de bellas bariedaz perifericas, (exir, plegar, llevar, etz..), se daban en a Edat Meya en zonas más zentrals u en catalán cheneral y son, por lo tanto, arcaismos. Dizir que en [[balenziano|balenzián]] esiste una radiz mozarabe ye lo mesmo que dizir-lo de d'o toledán, madrileño u [[burgalés]], y esisten más palabras [[anglés|anglesas]] u castellanas en o balenzián que mozarabes u aragonesas. Por atra parte esisten estudeos que indican que o mozarabe yera cuasi estinguito cuan os exerzitos de [[Chaime I d'Aragón|Chaime I]] conquerioron [[Valencia]].