Diferencia entre revisiones de «Cheminis (constelación)»

'''Cheminucos''' u ''Gemini'' (os cheminucos u meyos) ye una de as [[constelazión|constelazions]] de d'o [[zodiaco]], situata entre a constelazión de [[Tauro]] á l'Ueste e a de [[Cánzer (constelazión)|Cánzer]] á l'Este. Á lo Norte, se troban as constelazions d'[[Auriga (constelazión)|Auriga]] e a cuasi imbisible de d'o [[Lupo Zerbal (constelazión)|Lupo zerbal]]. A lo Sur, as de l'[[Unicornio (constelazión|Unicornio]] e o [[Can menor]].

L'[[ocheto de d'o zielo prefundo]] más luminoso de Cheminucos ye M35, un [[carrazo estelar ubierto]] de 5ena magnitú, á 2800 años luz de a Tierra. Se troba á lo Nordueste d'η Geminorum, zerca de a marguin zurda de a constelazión.

[[Imachen:Gemini2.jpg|left|200px|thumb|Representazión meyebal de os Cheminucos]]Parando cuenta en as estrelas poco luminosas bisteras á simple güello, ista constelazión parex debuxar dos feguras alargatas paralelas. Ixo fazió que s'identificase con o mito de os clamatos [[Dioscuros]], [[Cástor e Pólucs]], os fillos cheminucos de [[Leda (mitolochía)|Leda]]. O mito d'istos meyos ye muito relazionato con o furto de ganato, e podría estar ligato á bisions primitibas de a [[Carrera de San Chaime (astronomía)|Carrera de San Chaime]] u Bía Lactia, en as que serían situatos en metá de d'o ganato u d'una rabañera de bacas leiteras.

A orientazión de a constelazión puede bariar -ya que continan fendo lo debuxo de feguras alargatas igual si s'enclinan ta la dreita como ta la cucha-, anque s'acostumbra á beyer á os cheminucos decantatos enta man zurda. Manimenos, cuan s'enclinan ta man dreita, un de os cheminucos se troba en a Carrera de San Chaime e l'altro en ye difuera, o que fa que parexca que un de os meyos ye furtando lo ganato e que l'altro se lo mira. Ixo, chunto con a faxa de d'o zielo que ye desenta (an que agora se considera que i son as nuebas e muito esmortexitas constelazions de a [[Chirafa (constelazión)|Chirafa]] e o [[Lupo zerbal (constelazión)|Lupo zerbal]]) e as altras caracteristicas de l'aria de Cheminucos (Orión, Auriga e Can Menor), podría aber estato l'orichen de d'o mito de os güeis de Cherión, un de os doze treballos d'[[Eracles]].

En l'astrolochía occidental, o sino de Cheminucos([[21 de mayo]]-[[20 de chunio]]) ye asoziato con o elemento aire; ye, pues, un de os tres sinos d'aire, chunto con [[Libra]] e [[Acuario]]. En Cheminucos tien o suyo domizilio lo planeta [[Mercurio (planeta)|Mercurio]]. Ye un de os cuatre sinos mutables, chunto con [[Birgo]], [[Sachitario]] e [[Piszis]]. O suyo oposato ye [[Sachitario]]. D'entre as partis de d'o cuerpo, os Cheminucos gubiernan os brazos e as mans.