Diferencia entre revisiones de «Berbers en Al-Andalus»

Os '''[[berbers]]''' estioron presens en tot o periodo [[islam]]ico de a [[Peninsula Iberica]], dende as primeras entratas con [[Tarik]] y [[Muza]] dica o final de d'o [[reino Nazarín]].

En o [[Antiga Roma|periodo román]] y [[bisigodo]], os berbers de d'o [[Rif]] ya feban espedizions de saqueyo en [[Baetica]]. A más gran parte de l'exerzito que entro en [[Ispania]] y fazió desaparixer o [[reino bisigodo]] yera formato por [[berber]]s. O fazil de a bitoria y de a [[ocupazión militar]] animó á berbers de muito más luent que o Rif, y mesmo de as actuals [[Libia]] y [[Mauritania]], á entrar en [[Al Andalus]].

Os [[arabe]]s s'establioron en as zonas [[agricultura|agricolas]] ricas (Baxo [[Guadalquibir]], [[Güerta Valenciana]]), y dixoron á os berbers zonas de meseta y montañosas, que se parexeban á lo suyo abitat de l'[[Atlas]] y que yeran más pobres. Bels berbers defendeban a [[muga]] con os [[Cristianismo|cristians]] de d'o norte y dixoron una marca toponimia que encara esiste: [[Albarrazín]], [[Adzaneta]], [[Osella]], [[Fabara]], [[Gómara]], [[Mequinenza]], [[Monzalbarba]].

Os berbers establitos en o Sud yeran de d'o grupo [[Zanata]], como os ''Banu Birzal'' de [[Ezicha]], [[Carmona]] y [[Almodovar del Río]], ''Banu Dammar'' de [[Morón de la Frontera|Morón]] y [[Arcos de la Frontera|Arcos]], ''Banu Irniyan'', ''Banu Ilyas'', ''Banu Zarwal'', ''Banu l-Jali''. Bi eba colonias de a tribu Aureba por tota a [[provincia de Chaén]] y familias Azdaya como os ''Banu Dulaym'' y os ''Banu Saquib'' en Morón. Tamién bi eba [[Hawwara]]s como os ''Banu Yahwar'' de [[Marchena]].

Os berbers de as Marcas yeran guardians permanens de as mugas con os [[Cristianismo|cristians]] y protecheban l'interior de d'o país ocupato por os musulmans. Guardaban os castiellos y comunicazions de d'o sistema defensibo de muga de l'[[Al-Andalus]].

Berbers de as Marcas u ''tugur'' yeran en [[Provincia de Cuenca|Cuenca]], [[Provincia de Guadalachara|Guadalachara]], [[Provincia de Toledo|Toledo]], a zona de d'o [[Guadiana]] con [[Merida]], y zonas de más á norte dica as cuencas de d'o [[Tajo]] y [[Mongego]] con [[Talavera de la Reina|Talavera]], [[Coria del Río|Coria]], [[Medellín]], [[Astorga]] y [[Coimbra]]. Estos zagueros comunicaban con atro nuclio en l'Alto [[Duero]] y o [[Río Xalón|Xalón]] que tamién yeran en contauto con nuclios dispersos en a ''Marca Superior'' u [[Bal de l'Ebro]], como os berbers de [[Monzalbarba]]. En l'este de [[Provincia de Cuenca|Cuenca]], [[Provincia de Teruel|Teruel]] y [[Provincia de Zaragoza|Zaragoza]] entran en contauto con os berbers de d'o nuclio Lebantín (''[[Micnasa]]'' en [[Mequinenza]] y ''[[Hawwara]]'' en [[Fabara]]).

Os berbers Lebantins yeran en comarcas de as actuals [[Provincia d'Alicant|Alicant]], [[Provincia de Valencia|Valencia]], [[Provincia de Castellón|Castellón]], [[Provincia de Cuenca|Cuenca]], y [[Provincia de Teruel|Teruel]]. Teneban presenzia en o [[río Xiloca]] meyo y alto y as bals de d'o [[río Guadalabiar|Guadalabiar]], [[Río Cabrigüel|Cabrigüel]], [[Río Millars|Millars]] y [[Río Alfambra|Alfambra]]. Yeran espezialment d'orichen [[Hawwara]] (dixando toponimos tipo [[Fabara]]), y [[Madyuna]], con presenzia de [[Confederazión Zenacha|Zenachas]] y [[Confederazión Zanata|Zenatas]] en o lebant meridional (dixando toponimos como [[Senija]], [[Adzaneta]] y [[Oliva (Valencia)|Oliva]]). En Alicant se documenta os ''Banu l-Jarrubi''. En [[Taifa d'Alpuén|Alpuent]] yeran presens os ''Banu Dasim'' d'o grupo [[Kutama]]. En [[Teruel]] e [[Billel]] yeran emirs os ''Banu Amira'' e os ''Banu Gazlun'', que pertenexeban á la tribu ''Ulhasa'', branca d'os [[Nafza]].