Diferencia entre revisiones de «William Dennis Elcock»

Otenió a graduazión en a [[Unibersidat de Manchester]] en [[1932]]<ref name="Xordica"/> y se lizenzió en Letras por a [[Unibersidat d'Edimburgo]] en [[1934]]<ref name="Xordica"/>. En a segunda metat d'os [[años 1930|años 30]] fayó cualques biaches por o sur de [[Francia]] y o norte d'[[Espanya]], interesando-se por dos luengas romanzes por as que eba ganau intrés en as añadas que estió estudiant unibersitario: o [[idioma gascón|gascón]] y l'[[Idioma aragonés|aragonés]]. O suyo treballo d'imbestigazión estió muit sistematico y esaustibo si se compara con bel altros filologos d'o suyo tiempo, fendo recopilazions de formas homologas d'un mesmo termino en 15 u dica 25 localidaz diferents en cada baixant d'o Perineu ta dimpués descutir-las y quitar conclusions sobre as diferenzias, á sobent aduyando-se con a representazión grafica en [[mapa]]s d'os puestos á on que i eba recopilau cada termino ta poder acotar as rechions cheograficas en as que s'estendeba cada rasgo fonetico que eba quiesto estudiar.

 

 

En l'[[Alto Aragón]], Elcock cretica cualques conclusions de Rohlfs sobre a etimolochía de bellas parolas<ref name="ELCOCK">{{es}} ELCOCK, William Dennis, ''Algunas afinidades fonéticas entre el aragonés y el bearnés'' (traduzión de l'orichinal de 1938); Xordica Editorial. Zaragoza, [[2005]]. <small>ISBN 978-84-96457-09-5</small></ref>, que l'alemán atribuiba á lo [[Idioma basco|basco]] (''Baskische Reliktwörter im Pyrenäengebiet'', 1927) pero que Elcock planteya que podesen estar de radizes más dibersas, como [[luenga zelta|zelticas]] u mesmo dica [[idioma latín|latinas]] encriptadas por una fonetica de fuerte sostrato basco, como ye la que en cheneral constata que ye prenzipal en os suyos estudeos tanto en o gascón como en l'aragonés. En iste sentíu, Elcock rompe con a clasica pretensión de muitos filologos que os [[toponimia|toponimos]] aragoneses y gascons d'esplicazión defizil son cuasi toz dimanaus d'o basco, y introduz una nueba bisión sobre l'asunto en sucherindo más que probables etimolochías [[Luengas indoeuropeyas|indoeuropeguas]] (latinas, zelticas, etz) ta muitos macro y microtoponimos d'o norte d'a rechión ([[Pico Bachimaña|Bachimaña]] < ''Vallis Magna''; ...), amprando ta postular-lo criterios bien simples que en os tiempos d'él encara no yeran si que material d'ipotesis pero que en l'atualidat se tienen por confirmaus (p. ex. A tendenzia á tornar -ch- as -ll- d'o latín en dialeutos constitutibos como lo [[tensino]]; caso d'o toponimo «Bachimaña»). A toponimia de l'[[Alto Aragón]] estió l'obcheto de dos d'as suyas obras tardanas: «''Toponimia menor del Alto Aragón''» (1949) y «''Placenames in the valley of Tena (Aragon)''» (1953).