Diferencia entre revisiones de «Salvador Puig Antich»

Os suzesos d'o Mayo franzésfrancés de [[1968]] estieron dezisibos ta que Puig Antich dezida embrecar-se n'a luita contra ra ditadura franquista. O suyo primera melitanzia será en Comisions Faineras, formando parti d'a Comisión de Estudians d'o instituto Maragall. Idiolochicamén, luego ebolucionó enta posizións anarquistas, que refusaban cualsiquiera mena de enfilarismo y cherarquía dentro d'as organizazións politicas e sendicals n'a luita d'a clase fainera ent'o suyo emanzipazión. Dezaga de enzetar estudios unibersitarios de Zenzias Economicas, fa ro serbizio melitar en Ibiza, an ye nimbiato a l'anfermería d'o cuartel. Una begada lizenziau, s'encorpora t'o MIL, integrándose n'a branca armada. Partizipa, fendo de chófer, n'as azións d'a colla, que penden en cheneralmén en reyalizar atracos ta bancos. O botín se destinaba ta potenziar as publicazións clandestinas d'a colla y ta aduyar t'os badatistas e t'os fainers aturatos.