'''Oscar Wilde''', d'o suyo nombre completo '''Oscar Fingal O'Flahertie Wills Wilde''', naxitonaixito de [[Dublín]] ([[Irlanda]]) o [[16 d'otubre]] de [[1854]] y muerto en [[París]] o [[30 de nobiembre]] de [[1900]], estió un [[escritor]], [[poeta]] y [[dramaturgo]] [[Irlanda|irlandés]], que ye considerato como uno d'os grans escritors d'Irlanda en [[idioma anglés]].
En [[1895]] fue condenato ta pena de dos añadas de prisión por a caricaturizazión d'uno d'os suyos aimants (yera [[omosecsualidad|omosecsual]]) en una d'as suyas obras, encara que a condena estió por ''fer autos inmorals con menors d'edat''. Wilde s'exelló en [[Francia]], á on morió.
== Naxenzia y familia ==
Oscar Fingal O'Flahertie Wills Wilde yera naxitonaixito d'a ziudat de [[Dublín]], en [[Irlanda]], cuan iste país yera una [[Colonias d'o Reino Unito|colonia]] [[Reino Unito|britanica]], en una familia de relichión [[Protestantismo|protestant]], encara que a combersión d'a suya familia á o Protestantismo estió nomás por combenienzias, porque en ixas embueltas os [[Catolizismo|catolicos]] teneban os suyos dreitos reduzitos en Irlanda. O suyo pai, [[William Wilde]], yera un destacato [[medico]] en a soziedat dublinesa, encara que tamién yera l'autor de libros sobre [[folclore]] y [[arqueolochía]], y a suya mai, [[Jane Wilde]], yera [[poetisa]] y melitant d'a causa d'o [[nazionalismo irlandés]].
