Diferencia entre revisiones de «Husitas»

[[Cheronimo de Praga]], que eba estudeyato en Oxford estendilla as ideyas criticas sobre a ilesia d'o teologo anglés John Wyclif, en os tiempos d'o [[Zisma d'Ozident]]. Estas ideyas inspiran a [[Jan Hus]], traductor d'a Biblia a lo checo, e predica a reforma d'a ilesia en idioma checo en Praga e ye escomulgato. Jan Hus ye combocato debant o [[Conzilio de Gostanza]] en [[1414]] e lo creman bibo, como dimpués fan con [[Cheronimo de Praga]]. [[Jan Hus]] esdebién o erue nazional checo, e os seguidors d'as suyas ideyas relichiosas (os [[husitas]]), se rebelan, tamién con o deseyo d'un cambeyo sozial, con aboluzión d'a serbitut e que as tierras sigan comuns. [[Benzeslau IV]] no puet controlar a situazión y o 30 de chulio de 1419 os husitas chitan por as finestras d'o castiello de Praga a altos cargos catolicos.

 

 

Segismundo aprobeita a dibisión entre dos brancas d'husitas, ([[calixtins]] e [[taboritas]]). En [[1433]] bi ha un alcuerde entre catolicos e calixtins en o rito. Os taboritas son derrotatos en 1434 en [[Lipany]], on muere [[Prokop]]. Segismundo azepta a perduga d'os biens d'a corona e d'o clero e reconox o checo como luenga ofizial, ye proclamato rei e muere en [[1437]].