Se conoxe con o nombre de '''batalla de Teruel''' á una [[batalla]] u millor dito un conchunto d'operazions melitars desembolicatas mientrasmientres a [[Guerra Zebil Española]] en a ziudat [[Aragón|aragonesa]] de [[Teruel]] y en a suya redolada, que prenzipiaron o [[15 d'abiento]] de [[1937]] y rematoron o [[22 de febrero]] de [[1938]], enfrentando-se as tropas d'o [[Exerzito Popular Republicán]] con os sulebatos de dreitas de [[Francisco Franco]]. A batalla prenzipió por una ofensiba d'o Exerzito Popular Republicán, ta ebitar una inminent ofensiba d'os sulebatos enta [[Madrit]], y encara que as tropas republicanas conquerioron a ziudat de Teruel, estando asinas a unica capital de provincia conquiesta por as suyas tropas en a guerra, a batalla remató con a recuperazión d'a ziudat por os sulebatos, ubriendo camín á una ofensiba d'istos zaguers en tot o [[Frent d'Aragón]], encara que tamién amostró a capazidat d'o reconstituyito Exerzito Popular ta organizar una ofensiba frent á las fuerzas superiors d'os sulebatos y ta resistir en una luenga batalla. Estió una batalla muit difízil ta os combatients, por a situazión climatolochica, de frido muit intenso.
