Diferencia entre revisiones de «Plan»

El monecipio de Plan encluye tamién la més gran parte de la baixa Chistau, d'entre la clamor de ''Semierre'' (que parte per entre la villa y el vecín [[San Chuan de Plan|San Chuan]]) y la man de ''Boltorín'' de la [[Punta Llerga]], ta baixo, ta la part de [[Salinas de Bielsa|Salinas]]. De tot el troz que i tiene ta'l sursud, ta la man de [[Mallo de Cotiella|Cotiella]], se fa el monecipio que més kilometros quadraus i tiene d'esta sierra, y con las numerosas valletas que enfilan el mallal per on i corren es barrancos como ''Galliners'' (que baixa per la part d'es tonels de Saravillo y la penya ''La Inclusa'') y l'altro que ye el ''barranco de l'Ibón'' (que naixe de la [[Basa de la Mora]] y se desaugua en el [[Plan d'Escún]]). Per el sursud-este parte el monecipio la clamor que baixa de la Semierre, el pinar que s'ha de pasar quan s'enfila el paso de ''La Canal Pedrosa'' y la [[collada de Sagún]] ta [[Vall de Benás|Benás]].