Costa Occidental de Cantabria

A Costa Ozidental de Cantabria ye una d'as comarca de Cantabria. Tien un carauter urbán y ye de tendenzia toristica. Como lo suyo propio nombre endica, ista comarca s'estendilla por o litoral de l'ueste d'a comunidat autonoma, dende a muga con o Asturias, en a desembocadura d'o río Deva, dica lo monezipio de Santillana del Mar; encara que istas mugas pueden bariar seguntes a fuent, ya que ista comarca, como a resta de las de Cantabria, no ye regulata pero poseye uns elementos carauteristicos comuns á toz os monezipios que la forman. Ista zona conta con grans autibos toristicos como son a placha, naturaleza, gastronomía y cultura.

D'os monezipios que la forman, son Santillana del Mar, Comillas y San Vicente de la Barquera los que más renombre tienen y por tanto son os prenzipals destins toristicos, tanto en a comarca como en Cantabria. En a comarca ozidental desembocan dos d'os ríos más luengos de Cantabria: o Deva y o Nansa á más d'o río Escudo. Á más d'as numerosas plachas, podemos trobar o Parque natural d'Oyambre y la Montaña Corona. Como s'ha dito, destaca la cultura en a zona, ya que en bels poquez quilometros se conzentran a Cueba y Museu d'Altamira, o Zoolochico y Chardín Botanico, a Colechiata en Santillana del Mar. Y en Comillas se troba o Palazio de Sobrellano, a Unibersidat Pontifizia de Comillas (autualment recuperando-se o Campus Comillas) y o Capricho de Gaudí. L'ozident cantabro ye una comarca más que más toristica que, á lo contrario que l'orient, s'ha mantenito sin construzión masiba debito á la tardanza en a construzión de l'Autobía d'o Cantabrico.

A poblazión total d'a comarca ye de 20.192 abitants, seguntes datos de l'INE de l'año 2006 (se beiga la tabla). Seguntes os datos d'o mesmo año, os suyos tres nuclios más poblatos, de mayor á menor, son: San Vicente de la Barquera (4.491), Santillana del Mar (3.983) y Val de San Vicente (2.670). Y os suyos tres nuclios menos poblatos, de menor á mayor, són: Ruiloba (762), Udías (843) y Valdáliga (2.414). Á tamas de que ya esiste una lai de comarcalizazión de Cantabria, ista encara no ha estato desembolicata por tanto a comarca no tien entidat reyal