Prokaryota

Procariont u procariota (zentificament en latín «Prokaryota», termino que dimana d'o griego «πρό», pro, «d'antes que», e «κάρυον», kárion, «nuclio» u «zentro») ye una denominazión que s'emplega en biolochía ta referir-se á toz os organismos bibos que no tienen nuclio zelular u garra altro organulo deseparato por membranas, estando en este uso un termín que no implica que toz ixes sers bibos aigan de tener nezesariament relazión filochenetica (d'estar emparentatos ebolutibament) d'entre ellos.

Esquema de conchuntos á on que se i resumen os tres grans dominios d'os sers bibos, estando Archaea (morato) e Eubacteria (amariello) os que sen gosa considerar procarionts, en contraposizión con Eukarya (marrón).

Anque lo termino s'imbentó en os primers años d'azeso en a microscopía ta fer una destinzión d'entre estes e os organismos que sí que teneban nuclio, que prenioron o nombre d'eucarionts, e ya se ye puesto demostrar de fa cualques decadas que os grans grupos d'organismos sin nuclio no tienen més relazión d'entre ellos que con os eucarionts, o termino procariont troba encara muito uso en a bibliografía més que més per a suya utilidat en fendo-se contraposizión con o termino Eukaryota, que sí que ye filocheneticament preziso.

Se beiga tamién

• Eukarya
• Zelula procariota
• Nuclio zelular
• Dominio (biolochía)

an:Zelula procariota