Versión d'o 21:07 8 avi 2009 editar EBRO (descutir \| contrebucions) Administradors 70 317 ediciones →‎Istoria ← Ir ta a edición anterior		Versión d'o 21:10 8 avi 2009 editar desfer 82.198.62.1 (descutir) →‎Dominio Otomán Ir t'a edición siguient →
Linia 39: Os exerzitos rusos entran por primera begata en Moldabia en a decada de 1760. Os rusos conquieren temporalment Buchac, Moldabia, Blaquia y en 1772 entran en Bulgaria. O tratato de Küçuc-Kaynarca en 1774 atorga a lo zar de Rusia o dreito d'albertenzia a lo soldán sobre Moldabia e Blaquia. O tratato permitió que os boyardos feudals blacos obtiengan en 1802 que os hospodars fuesen nombratos por siet añatas e que a destituzión e nombramiento se fese d'alcuerdo con os gobiernos otomán e ruso. En 1806 as tropas rusas con enchaquia d'a destituzión de l'ospodar de Blaquia embaden os prenzipatos e por o tratato de Bucarest en 1812 Rusia obtién [[Besarabia]]. En o contesto d'os repartos de Polonia permiten que Austria ocupe como compensazión en 1775 o norte de Moldabia, zona que esdebién [[Bucobina]] e on plega poblazión rutena (que se fa mayoritaria en o norte) e poblazions alochenas (asquenazís, alemans, polacos, ongaros, etz..). En o periodo austriaco a ziudat de Cernovtsi será un foco de cultura alemana. === Entre rusos y otomans === En 1787 a guerra entre rusos e turcos fa que en 1792 os otomans zedan os territorios a l'este d'o Dniéster, con o que Moldabia se fa güeganta con o Imperio Ruso. En 1806 as tropas rusas con enchaquia d'a destituzión de l'ospodar de Blaquia. Os rusos embaden os prenzipatos e por o tratato de Bucarest en 1812 Rusia obtién Besarabia, (a Moldabia a l'este d'o Prut, con a rechión de Buchac poblata por nogais). Os rusos mantendrán o poder de Besarabia dica a primera Guerra Mundial, farán os [[nogais]] se'n baigan e dixarán que se s'establixcan poblazions alochenas: [[bulgaros]], [[gagauzes]], [[alemans d'a Mar Negra]], etz.... Os prenzipatos de Moldabia e [[Blaquia]] esdebinioron estatos tampons entre os dos imperios. En 1821 i abió una rebuelta en os prenzipatos obra de [[Tudor Vladimirescu]], que dende Oltenia ye a la cabeza d'una rebuelta sozial e nazional e tamién obra d'una soziedat secreta griega con base en [[Odesa]] que prebaba de liberar a los ortodocsos d'os Balcans. Os rebels blacos en Bucarest dan la culpa d'a situazión a los fanariotas. Os otomans tornan a controlar a situazión pero o rechimen [[fanariota]] ya ha dixato d'esistir. A combenzión d'Akkerman de 1826 entre rusos e turcos sustituye o estatuto por un condominio: os hospodars autotonos serán esleitos por siet añatas e sozmesos a l'aprobazión d'o soldán e o zar. En 1827 os rusos e turcos tornan a estar en guerra dica que o tratato d’Adrianopolis en 1829, que adchudica as bocas d’o Danubio a Rusia e cambeya o estatuto d’os prenzipatos, que serán gobernatos por prenzipes bitalizios e prenen autonomía almenistratiba total. A més os reglamentos organicos de 1830 prebeyen que cada prenzipato tienga una Costituzión aprobata por San Petersburgo e Costantinoble e dimpués por l’Asambleya (De propietarios). O nuebo rechimen se posa en marcha mientres as tropas rusas ocupan Moldabia e Blaquia (e ebacuarán en 1834). Os prenzipes gobiernan d’astí enta debant cosiratos por os consuls de Rusia. En abril de 1848 o prenzipe Sturza de Moldabia supera tres días achitazión sozial en Iasi, pero en Bucarest esclata en chunio una reboluzión que obliga a lo prenzipe Bibescu a formar un gobierno probisional. As tropas rusas entran en Moldabia en chulio, y en setiembre tamién en Blaquia chunto con os otomans. A combenzión ruso-otomana de Balta-Liman de mayo de 1849 suspende os reglamentos organicos e fa tornar a lo sistema de nombramiento d’os hospodars. [[Categoría:Pueblos blacos]]

Diferencia entre revisiones de «Munteans»