Escritor en [[Idioma aragonés|aragonés]] ye premiato en bels concursos [[Alto Aragón|altoaragoneses]]. Ye miembro de l' [[Academia de l'Aragonés]] y de o [[Consello d'a Fabla Aragonesa]].
D'entre a suya obra destaca o poemario "''Ortensia de Chudas''", una colezión de una bentena de poemas feitos en un cudiau e políu [[Idioma aragonés|aragonés]] de trazas [[ansotano|ansotanas]] con o que l'autor sarrablés plega á las chens con una gran frescura lingüística. Tenió menzión d'o premio Arnal Cavero que otorga o Gubierno d'Aragón "''por o dominio lingüístico, por o suyo ritmo poetico e por o tono intimista''".
En prosa cal acobaltar a suya nobela ''Petalos de febrero en Bordeus''.
En ensayo destaca o estudio "''Misión lingüística en el Alto Aragón'' de [[Jean-Joseph Saroïhandy]]"'' e bels articlos d'[[istoriografía]] de l'aragonés en as rebistas ''[[Fuellas]]'', ''[[Luenga e Fablas]]'' e ''[[Rolde]]'' como ''Enrebesatos istoricos d'o toponimo Samianigo'' (1999), ''Tres nuebos poemas de Cleto Torrodellas'' (2000), ''Clases de aragonés en a Unibersidá de Barzelona: Odón Apraiz'', 1933 (2000), ''Joaquín Costa e a Pastorada de Capella'' (2001), ''R. Mª Azkue e l'aragonés en 1930: literatura popular chesa e o bocabulario ansotano d'Aznárez'' (2004) u "''Bocabulario de pastors sobrarbencos, seguntes A. Schmitt"'' (2006).
