Diferencia entre revisiones de «Aparato respiratorio»
Pachina creyada con 'thumb|right|300px|Esquema d'o sistema respiratorio umán. O '''sistema respiratorio''' ye o sistema biolochico de cualsiqui...' |
(Garra diferencia)
|
Versión d'o 23:31 24 nov 2009
O sistema respiratorio ye o sistema biolochico de cualsiquier organismo que ye embrecato en o intercambeyo de gases. Á ormino s'empelga ta cullir ocsichén de l'aire e chitar o diocsido de carbonio acumulato en l'organismo. En os pexes se reyaliza o mesmo prozeso pero baxo l'augua. En as plantas s'absorbe diocsido de carbonio e chita ocsichén mientres d'o prozeso d'a fotosintesis.
O sistema respiratorio ye responsable de fer posible o mecanismo d'a respirazión e, por un regular, se pueden considerar cuatre fases:
- A inspirazión u inalazión que ye a entrata d'aire e ocsichén á los albeolos pulmonars.
- O prozeso de intercambeyo d'ocsichén e diocsido de carbonio entre os albeolos pulmonars e a sangre.
- A espirazión u ecsalazión consistent en a salita de l'aire dende os albeolos pulmonars enta o esterior, con a eliminazión de diocsido de carbonio.
- Intercambeyo d' O2 e CO2 entre as zelulas e a sangre.
Seguntes o tipo d'organismo baría o espazio en que se reyaliza o intercambeyo, á sobent entre os albeolos e os capilars; baría l'anatomía u estrutura d'o sistema d'intercambeyo, e a utilizazión fisiolochica d'os gases que fan parti d'o intercambeyo. Bels tipos d'animals, como los inseutos, tienen sistemas respiratorios con carauteristicas anatomicas muit simplas. En os anfibios, encluso a piel tien un papel fundamental en o intercambeyo de gases. En os sers umans e en atros mamifers, por exemplo, as carauteristicas anatomicas d'o sistema respiratorio son as bías respiratorias, os pulmons e os musclos respiratorios. As moleculas d'ocsichén e diocsido de carbonio s'intercambeyan pasibament, por difusión, entre os gases esterno d'o entorno e a sangre. Iste prozeso d'intercambeyo se produze en a rechión albeolar d'os pulmons.[1]
As plantas tamién tienen un sistema respiratorio, pero a direzión d'intercambeyo de gases puet estar oposata á la d'os animals. O sistema respiratorio d'as plantas tamién encluye determinatas carauteristicas anatomicas, como los foratos d'a parti inferior d'as fuellas conoxitos com estomas.
Referenzias
- ↑ "Human Biology and Health". Anthea Maton, Jean, Hopkins Susan, Johnson Charles William, McLaughlin Maryanna Quon Warner David, LaHart Wright, Jill D. Prentice Hall. Englewood Cliffs, ISBN 0-12-981176-1