Diferencia entre revisiones de «Vlacos»

Os '''balacos''' son os pueblos de luenga latina[[luengas neolatinas|neolatina]], que abitan os [[Balcans]] como continadors d'a poblazión romanizata que i eba enantes d'as embasions d'os pueblos d'as estepas, os pueblos chermanicos y espezialment os eslabos. Dende a formazión d'o estato unificato de [[Rumanía]] o termin balaco s'aplica sobre tot a os que biben fuera de [[Rumanía]] e a los pastors [[transuanzia|trasuants]].

As luengas que parlan os balacos son o [[idioma rumán|rumán]] (dacorrumán), [[idioma arrumán|arrumán]], [[idioma meglenorrumán|meglenorrumán]], [[idioma istriorrumán|istriorrumán]], que d'alcuerdo con bels puntos de bista forman parte d'una mesma luenga e d'alcuerdo con belatros son luengas diferents con un mesmo orichen en a latinidat d'os Balcans e Baxo Danubio con un sostrato geto-daco e trazio. Os [[dalmatas]] encara que abitaban una parte d'os Balcans no yeran balacos e lur luenga se relaziona més con o italián, no tenendo sostrato geto-daco ni trazio.

A parabra ''vlah'' ("balaco") ya ye documentata en [[antigo eslabo eclesiastico]] con o significato de "román d'orichen". O termin ''vlasi'' ("balacobalacos") ye en o suyo orichen un [[exonimo]], a traza como os eslabos diziban a las poblazions romanizatas sozmesas a los pueblos barbaros. Os eslabos lo prenioron d'os [[pueblos chermanicos|chermanicos]], que diziban ''walha'', ''walhos'' primero a los zeltas, (por estar os [[bolcos]] os primer pueblos [[pueblos zeltas|zeltas]] que se troboron en a suya migrazión ta o sur), e dimpués d'a romanizazión d'os zeltas, a toz os pueblos de luenga latina u romanizatos.