O '''tengrianismo''' ye a [[relichión]] tradizional d'os [[pueblos turqueses]] enantes que se combirtieran aá las relichions d'as soziedaz sedentarias aá las que imbadiban u con las que s'aliaban, prenzipalment a relichión [[islamica]]. O tengrianismo prene o nombre por o dios zeleste [[Tengri]].
Os pueblos turqueses, aá l'egual que os [[mongols]] e [[tunguses]], como ye propio d'os pastors[[pastor]]s [[Nomadismo|nomadas]], zentraban lur relichión en un dios zeleste, personificazión d'o mesmo zielo. Tengri ye un dios con carauter luminoso, meteorico e sanzionador.
Bels autors relazionan o termin ''Tengri'' u ''Tangara'' con o [[Relichión china|chino]] [[T'ien]], literalment "zielo", e igualment se fa serbir pa dizir aá lo [[dios]] que personifica o zielo. A deidat zeleste talment fue introduzita en [[China]] por a clase guerrera, feudal e metalurchica que prenió o poder con a [[dinastía Chou]], desplazando o culto d'a Parella Dibina [[Neolitico|neolitica]]. Tamién quieren relazionar ''tengri'' con o [[Idioma sumerio|sumerio]] ''dingir'' (nombre chenerico pa os dioses) e con o [[Idioma polinesio|polinesio]] ''Tangaroa''.
Este dios supremo abitaba o seteno zielo, e teneba una serie de fillos, (os fillos de Tengri) que rechiban cadagún d'os siet zielos.
O culto aá los muertos u debantpasatos yera muito present e se baloraba a suya asistenzia en a caza u en a guerra. Os turqueses atribuiban a la rezitazión de bels cantos epicos un poder machico pa ebocar a los debantpasatos. Talment prenioron d'os [[pueblos indoeuropeus]] conzeutos arredol d'o [[caballo]], os dioses-chinet, a muerte e exerzitos de ''revenenants''.
No manca o carauter totemico[[totem]]ico de bels animals. Muitas tribus hunas[[Unos|unas]] e turquesas teneban aá lo [[lupo]] u aá bellas razas de cans como animals totemicos. O etnonimo d'os [[nogais]] sennifica en [[Idioma mongol|mongol]] "[[can]]". En os [[yacuz]] yera important o culto aá l'[[onso]], que puet estar un erenzio d'os pueblos paleosiberians con os que os turqueses estioron en contauto.
