O '''Mar d'Aragón''' u '''entibo de Mequinenza''' ye un entibo d'o río [[Ebro]] situato en [[Aragón]].
A construzión d'o entibo de [[Mequinenza]], feita por conzesión á la interpresa ENHER d'aprobeitamiento idroeletrico integral d'un tramo d'o río Ebro en [[1955]], dió orichen á un gran entibo de 1530 hm³, con una longaria d'uns 110 km e unas "costas interiors" d'alto u baxo uns 500 km. A lamina d'augua en a cota masima de 121 metros tien una superfizie de 7.540 ha. A baborazión añal ye de 80.000 millons de litros. Se entibó por primera begata en abiento de 1965, inundando-sen 3.500 ha de güertas.
En a redoladacomarca d'o [[Baxo Aragón-Casp]], son costers os monezipios de [[Chiprana]] e [[Casp]]. Dende o prenzipio s'entendió que yera un potent foco d'atrazión toristica e as soziedaz de pescadors s'aprezisoron á organizar as suyas autibidaz. En 1965 se dixoron en libertat 20.000 exemplars de perca americana e 175.000 fizons de carpa ''royal''. Estió lo prenzipio d'a gran riqueza piszicola autual. Se zelebran no menos de 30 competizions á l'año, destacando lo Campionato Nazional de Pesca e o Concurso Nazional de Ziprinidos "Autonomía d'Aragón", aintro d'as artes tradizionals, e dibersos campionatos internazionals organizatos por ''Lake Casp'' ta la pesca d'o ''black bass'', anque o más destacato ye a pesca d'o [[siluro]].
Arredol d'o Mar d'Aragón s'han establito tres urbanizazions residenzials e dibersos clubs esportibos que organizan contino competizions d'esportes nauticos, bela, piragüismo, motonautica, abiendo una infraestrutura cada begata más consolidata de puertos, embarcaders e instalazions de guardia e atenzión.
