Diferencia entre revisiones de «Wikipedia:Uso d'a luenga»

 

L'adchetibo ''solo'', ''sola'' en aragonés sinnifica no nomás ''sin compañía'' (con ixe sentiu se gosa fer serbir tamién solet, soleta, solenco, solenca...) que tamién ''unico''. Isto se puet beyer en o dizionario chistabín, y tamién en castellán tien ixe sentiu, pero no se gosa fer serbir igual. Asinas, esprisions como ''A Luna ye o unico satelite d'a Tierra'', que ye correcta, pero calcada d'o castellán, se puet escribir de traza más chenuina como ''A Luna ye o solo satelite d'a Tierra'', que comparte estructura con o catalán, o franzés y cuento que con l'oczitán. En cuasi toz os casos que apareix unico/unica, se podría fer serbir solo/sola, y podríanos mirar de fer-lo serbir muito más en istos casos. Paraz cuenta, que cuan '''unico''' sinnifica "singular", alabez no se puet sustituyir por "solo". Alabez, sí que caldría dezir ''Iste bin ye unico'', no pas "*Iste bin ye solo", u ''ye un rechimen de partiu unico'' y no pas "*ye un rechimen de partiu solo". Si tos pareix bien, tamién miraré de cambiar belunas d'as espresions d'o primer tipo que ya tenemos.--[[Usuario:Juanpabl|Juan Pablo]] 17:17 22 set 2009 (UTC)