Diferencia entre revisiones de «Kelvin»
Pachina creyada con 'thumb|140px|right|Estandar de 1954 O '''kelvin''' (simbolo '''K''') ye a unidat de [[Temperatura termodinamica...' |
(Garra diferencia)
|
Versión d'o 14:29 12 set 2009
O kelvin (simbolo K) ye a unidat de temperatura d'o Sistema Internazional e en ye una d'as suyas siet unidaz basicas. A escala Kelvin ye una escala de temperatura termodinamica (absoluta) á on que o zero absoluto, a tiorica ausenzia d'enerchía, ye zero (0 K). Ista unidat rezibe o suyo nombre en onor á lo fesico, matematico e incheniero britanico William Thomson (1824 - 1907), que fue nombrato Lord Kelvin, e que escribió sobre a nezesidat d'una "escala de temperatura termodinamica".
Á esferenzia d'os grados Fahrenheit e d'os grados Celsius, o kelvin no se refiere á un "grado", ni tampoco no s'ha de escribir con o simbolo d'os grados. O nombre correuto d'a unidat ye kelvin (en minusclas), e no pas grado Kelvin, e o simbolo no ye tampoco °K como á begatas s'escribe por analochía con o grado Celsius. O kelvin fue definito en 1954 como grado kelvin en a 10ena Conferenzia Cheneral de Pesos e Mesuras.[1] Por dezisión presa en a 13ena CGPM o nombre ye l'autual kelvin[2]