|
no existe el modelo de bo0o0ohr
[[image:Bohr-atom-PAR.svg|thumb|right|320px|Diagrama d'o modelo de Bohr]]
O '''modelo atomico de Bohr''' u '''de Bohr-Rutherford''' ye un modelo [[cuanto|cuantizau]] de l'[[atomo]], proposau por [[Niels Bohr]] en [[1913]] ta esplicar cómo os [[eletrón|eletrons]] pueden tener [[orbita]]s estables alredor d'o [[nuclio atomico|nuclio]]. Ye un modelo funzional que no representa á l'atomo como obcheto fesico en sí, sino que esplanica o suyo funzionamiento por meyo d'ecuazions.
Cuan se conoxioron os [[espectros atomicos]] se beyió que o [[Modelo atomico de Rutherford]] no adubiba á esplicar a reyalidat, que no podeba aclarir a discontinuidat d'os espectros d'os atomos [[gas]]iosos. [[Niels Bohr]] paró cuenta que un modelo atomico conforme abría d'encluyir o [[cuanto d'enerchía]] de [[Max Planck|Planck]]-[[Albert Einstein|Einstein]] y lo aclarió con o suyo modelo atomico, que parte d'o [[Modelo atomico de Rutherford|Modelo de Rutherford]] y que conta tres postulatos:
*'''Primer postulato:''' Os [[eletrón|eletrons]] chiran en [[orbita]]s zerculars e estazionarias (a [[enerchía]] en ellas ye constant). Mientras chire en istas orbitas ni pierde ni gana enerchía. O radio d'istas orbitas ye <math>r=an^2</math> y a suya enerchía, <math>E=\frac{-b}{n^2}</math>
*'''Segundo postulato:''' O [[momento angular]] d'o [[eletrón]] que chira en una [[orbita estazionaria]] ye igual á un multiplo entero d'una cantidat constant que Böhr estableix como <math>\frac{h}{2\pi}</math>
:Asinas: <math>rmv = n \frac{h}{2\pi}</math> , en do <math>h</math> ye a [[Constant de Planck]] e "n" un [[lumero natural]] que Böhr clama "lumero cuantico". Ye pues, o primer [[modelo atomico cuantizato]].
*'''Terzer postulato:''' Cuan un [[eletrón]] gana u pierde [[enerchía]], lo fa en forma de [[radiazión eletromagnetica]].
Cuan un [[eletrón]] gana enerchía brinca ta un libel superior, an que ye inestable, por o que en emite bella cantidat pa tornar ta o suyo libel orichinal. A enerchía librata se puet calcular con a [[ecuazión de Planck]] como <math>E=h\vartheta</math> y ye a diferenzia d'enerchía entre os dos libels (<math>\Delta E=E_2-E_1</math>). Por ixo, l'eletrón emite un [[fotón]] d'una determinata [[frecuenzia]]. Només apareixen bellas frecuenzias u linias espectrals porque sólo bellas orbitas son posibles. O modelo de Bohr aclareix asinas a discontinuidat d'os [[espectros atomicos]]. Respeutibe á lo nuclio de l'[[atomo]] o modelo de Bohr no modifica o [[Modelo atomico de Rutherford|modelo de Rutherford]].
O modelo de Böhr esclareixió perfeutament o comportamiento de l'[[atomo]] d'[[idrocheno]], pero encara no podema escpliar o de bels atomos más complexos.
[[Categoría:Quimica]]
[[ar:نموذج بور]]
| 