Diferencia entre revisiones de «Balcars»

Como en o caso d'os [[quarachais]], d'alcuerdo con a teoría més almesa ye que deszienden de [[cumans]] que se refuchioron en o Caucaso cuan en o [[sieglo XIII]] fuoron embaditos por os [[mongols]]. En o Caucaso absorberían a os natibos [[zircasians]] e restos d'o pueblo [[alans|alán]] aligato.

En [[1921]] os balcars chunto con os [[cabardos]] rezibioron a categoría almenistratiba d'''[[Oblast]]'' autonoma, que en [[1936]] esdebinió a [[Republica Sozialista Autonoma Cabardino-Balcar]]. En [[1943]] os balcars fuoron deportatos por as autoridaz sobieticas estalinistas ta [[Asia Zentral]], o territorio Balcar pasó a [[Cheorchia]] e a republica inizial quedó reduzita a la [[Republica Cabardina]]. En [[1957]] un decreto d'o Soviet Supremo d'a URSS lis tornó a suyo territorio, que fue batizato como "[[Republica Cabardino-Balcar]]". A fins de [[1991]] os balcars aproboron en referendum a proclamazión d'una Republica Balcar deseparata, sin reconoximiento por parte de Rusia e sin paper almenistratibo reyal.