Diferencia entre revisiones de «Vespras Sicilianas»

Se conox en a Istoria con o nombre de '''Bespras sezilianas''' á una sulebazión d'a poblazión de [[Sezilia]] contra o dominio [[Franzia|franzés]] en a isla por a [[Casa d'Anchú]] o [[30 de marzo]] de [[1282]], que remató en una [[Mortalera (delito)|mortalera]] d'os franzeses d'a isla. Dimpués, Sezilia s'adibió á la [[Corona d'Aragón]] en a presona d'o [[Lista de reis d'Aragón|rei]] [[Pietro III d'Aragón|Pietro III]] d'[[Reino d'Aragón|Aragón]], que prenió asinas o nombre de [[Pietro I de Sezilia]] en o [[reino de Sezilia]]. A sulebazión prenzipió en [[Palermo]], á on se deziba que bellos [[soldato]]s franzeses eban biolato á unas mullers sezilianas, y á escape s'estenió ta otros lugars d'a isla, como [[Mesina]] u [[Corleone]], dica rematar a mortalera d'os franzeses d'a isla.

Os abitans de Sezilia clamoron en la suya aduya á o rei Pietro III d'Aragón, casato con [[Constanza II de Sezilia]], filla y eredera de [[Manfredo I de Sezilia]], o zaguer rei d'a Sezilia independient antis d'estar redotato y muerto por Carlos d'Anchú en a [[Batalla de Benevento (1266)|batalla de Benevento]] o [[26 de febrero]] de [[1266]].