Diferencia entre revisiones de «Descusión:Idioma aragonés»

== Normas graficas ==

No ye mica cierto que l'[[Academia de l'Aragonés]] regule as normas de Uesca de 1987, ixo cal sacar-lo. Istas s'aprovorón dreitament en o "I Congreso ta la Normalizazión de l'Aragonés". Por ixo, no son ni d'o Consello, ni de garra asociación, y muito menos de l'Academia que se creyó en 2005. L'Academia de l'Aragonés la creyó o "II Congreso de l'Aragonés" como autoridat linguistica, y ye treballando en una proposa de codificación propia. As normas que nusatros decimos "SLA", en realidat els les dicen "DLA"[http://sociedat.googlepages.com/grafia] y son as que proposan ta escribir en aragonés en a suya revista: "De Lingva Aragonensi". Tampoco no soi brenca d'alcuerdo en que s'haiga de considerar a SLA como una entidat reguladera. Cuantas asociacions locals han proposau grafías ta escribir en aragonés y no por ixo s'han de meter como entidatz reguladeras. A diferencia ye que l'Academia estió creyada por o II Congreso de l'Aragonés con ixa misión, fendo-ne parte chent representativa de todas as variedatz y de todas as sensibilidatz (fueras d'a SLA que s'autoexcluyó).--[[Usuario:Juanpabl|Juan Pablo]] 21:26 30 may 2009 (UTC)