Diferencia entre revisiones de «Puent de Piedra de Zaragoza»

Contenido eliminado Contenido añadido
Pachina creyada con '''Iste articlo ye sobre o Puent de Piedra de Zaragoza. Ta atros usos se beiga Puente de Piedra'' [[Imachen:Zaragoza - Puente de Piedra.JPG|thumb|280px|Puente de Piedra de Z…'
(Garra diferencia)

Versión d'o 08:08 16 may 2009

Iste articlo ye sobre o Puent de Piedra de Zaragoza. Ta atros usos se beiga Puente de Piedra

Puente de Piedra de Zaragoza.

O Puent de Piedra e Pretil de San Lázaro se localizan en Zaragoza (Aragón). Dende o sieglo XII se miró de construyir un puent que garantizara o paso de l'Ebro de forma permanent. En 1401 se prenzipioron as obras d'o puent que conoxemos en l'autualidat, dirichitas por Gil de Menestral, estando rematato en 1440.

Azeso á lo Puent de Piedra

Una riada en l'año 1643 destruyó dos d'as arcatas zentrals d'o puent, feito que se decumenta en a Vista de Zaragoza pintata en 1647 por Martínez del Mazo. Yera o trampo á on que se debantoron dos torreziellas d'orichen meyebal. O puent fue apañato en 1659, encluyendo as dos torres, por Felipe de Busignac, mayestro d'obras de Zaragoza, que modificó tamién os tallamars e espolons d'o puente, enamplando-los.

En 1789 l'arquiteuto Agustín Sanz reyalizaba o pretil de l'Ebro que iba dende o Puent de Piedra dica o Combento de San Lázaro. Ista muralla se construyó en seis meses rematando-se as obras o 24 d'abiento de 1789, t'aprebenir o riesgo de inundazions en a ziudat por as posibles crexitas d'o río.

O Puent de Piedra e o suyo pretil, son un elemento clau en a composizión urbana d'a ziudat, de gran importanzia formal e funzional, estruturador d'o conchunto e d'o paisache natural e edificato.

Ista importanzia no estió unicament en l'ambito d'Aragón sino que estió important tamién á nibel estatal, ya que istoricament, dende meyatos d'o sieglo XV, o puente garantizaba as comunicazions d'o cuadrant noreste peninsular.

D'o pretil d'a marguin dreita, se sape que en 1777 os arquiteutos Pedro del Mazo e Juan Ortiz de Lastra prenzipian a suya construzión. Lo fan con piedra sillar. Ocupa o espazio entre o Templo d'o Pilar e o Puent de Piedra cuala zaguera arcata ya se trobaba cubierta tal e como contrimuestra o plan de 1778. Más de meyo sieglo dimpués, José de Yarza, por reyal decreto de 1845, debanta la topografía d'o seutor, en a que se beye que o pretil contina estando lo mesmo. Manimenos, güé en día, se desconoxe o suyo estato autual, a suya conserbazión e a suya ubicazión esauta.

A piedra emplegata ta construyir iste puent probeniba d'a cantera que teneba o Papa en o monezipio de Frescano, situata ista en o mont de Burrén. O puent contiene piedra de Frescano e Grisén.

Vista de Zaragoza (1647), por Martínez del Mazo. A la dreita aparece o Puent de Piedra dañato en 1643 por una riada.

Referenzias

Enlaces externos