Diferencia entre revisiones de «Guerra d'Hibierno»

A '''Guerra d'Ibierno''' ye un conflito armato entre [[Finlandia]] e a [[Unión Sobietica]] que se produzió enantes que encomenzase a [[segunda Guerra Mundial]] en o frent oriental.

Dimpués d'a ocupazión de [[Polonia oriental]] por as tropas sobieticas, a URSS desichió a los [[países balticos]] bizins a conzesión de territorios que permetesen asegurar melitarment a situazión de [[Leningrado]].

[[Finlandia]] refusó a desichenzias, por o que en nobiembre de [[1939]] 300,.000 soldatos sobieticos embadioron Filandia. As tropas finlandesas derrotoron a los rusos dos begatas en [[Suomussalmi]] o [[31 d'abiento]] de [[1939]] e lo [[8 de chinero]] de [[1940]]. Sin d'embargo o exerzito sobietico penetró finalment en [[Carelia]]. As azions de fustigamiento d'as unidaz licheras d'esquiadors finlandeses e un frido intenso impidió o suyo abanze e dica los obligó a retacular, pero finalment o exerzito finlandés se desgastó, teneba poca aduya e remató perdendo a iniziatiba a prenzipios de febrero.

O [[14 de marzo]] os sobieticos prenioron o [[itsmo de Viborg]] e siguioron o suyo abanze. Finlandia abió de solizitar a paz, e abió de zeder a la URSS Carelia, Hango, a Peninsula de Pescataires, as islas Aland e as islas d'o golfo de Finlandia. Finlandia abió d'absorber una poblazión desplazata u refuchiata d'uns 450.000 finlandeses, sobre tot [[carelios]]. O territorio desierto fue poblato por rusos.