Diferencia entre revisiones de «Hongaros (pueblo nomada)»

Contenido eliminado Contenido añadido
Sin resumen de edición
Sin resumen de edición
Linia 1:
Os '''Ongaros''' estioron un pueblo nomada d'as estepas d'[[Europa Oriental]] que emigró ta l'ueste establindo-se en a [[Cuenca Panonica]] sozmetendo a los pueblos que i eba, a qui asimiloron esdebenindo os autuals ongaros. Charraban [[idioma ongaro|ongaro]], una luenga uralica con elementos turqueses. Se crei que teneban como relichión o tengrianismo.
 
En o [[sieglo IX]] yeran una federazión de 10 tribus que dondeyaban por as estepas a l'ueste d'o río [[río Don|Don]]. Ye posible que esen tenito una clase dirichent de luenga turquesa. Por un tiempo yeran establitos en Ucraina ozidental e Moldabia e debeban estar baxo a enfluyenzia d'os [[khazaros]]. Con enchaquia d'una guerra entre [[Primer Imperio Bulgaro|Bulgaria]] e o [[Imperio Román d'Orient]] os bizantins clamoron a lo ongaros pa fer pinza a los bulgaros. Os bulgaros clamoron a los [[pazinacos]] pa que tamién fesen pinza a los ongaros, d'una traza que os ongaros fuoron empentatos ta l'ueste por ellos e rematoron establindo-sen en [[Panonia]] a fins d'o sieglo IX conduzitos por o [[Can Arpad]].
 
Dende a suya base en Panonia lanzoron espedizions de saqueyo por Europa Zentral, Italia, Franzia e dica una d'estas espedizions plegó ta Uesca. Destruyoron o prenzipato d'a Gran Morabia. As espedizions de saqueyo rematoron cuan o emperador [[Otón I]] los derrotó en [[Lechfeld]] en l'año [[955]].
 
O reis ongaros con o tiempo formoron un estato monarquico cristián imitando o modelo d'atras monarquías europeyas, os ongaros se sedentarizoron e asimiloron a los eslabos e talment tamién a los balacos e pueblos chermanicos que podeban quedar en Panonia orichinando un [[pueblo ongaro]] que fueras d'a luenga poco teneba que beyer con os ongaros nomadas orichinals. A formazión d'un estato ongaro fuerte en a Cuenca Panonica aturó a entrata d'os nomadas d'Europa Oriental esbarrando ixas migrazions enta o Imperio Román d'Orient dica o sieglo XIII, cuan entroron os mongols.
 
O biznieto d'Arpad, Geza se combirtió a lo [[catolizismo]] en 975, e lo suyo fillo, Esteban fue declarato rei por o Papa de Roma.
 
[[Categoría:Pueblos ugrios]]