Diferencia entre revisiones de «Calmucos»

4 bytes añadidos ,  hace 11 años
sin resumen de edición
}}
 
Os '''calmucos''' abitan as estepas d'a baxa Bolga, estando poco més d'a metat d'os abitants d'a Republica Autonoma de [[Calmuquia]], tamién bi n'ha uns pocos en atras rechions d'o sur d'a [[Federazión Rusa]]. Charran una luenga mongola ozidental en bías de desaparición e son budistas [[lamaísta]]s con una minoría combertita a lo cristianismo ortodocso. En [[1989]] yeran uns 146.000.
 
== Luenga ==
Os mongols ozidentals u oiratos formaban una confederación de cuatre tribus que se fazioron poderosas en un territorio entre as estepas ozidentals, on teneban importancia os [[cazacos]] e [[uzbecos]], e as estepas orientals on encara teneban importancia os mongols ozidentals. A prenzipios d'o sieglo SVII os oiratos presionoron con fuerza a los suyos bizins
 
En a decada de 1610 a tribu [[torgot]] fue benzita por a tribu chora y emigró con fazions d'atrás tribus ta l'ueste abandonando a rechión de [[Tarbagatai]]. Tenioron choques con os [[cazacos]]. Poco dimpués de 1630 plegoron t'as estepas d'a baxa Bolga e dende alabez son conoxitos como calmucos. Os calmucos sozmetioron a os [[nogais]] e turcmenios. Os rusos los consideroron utils cuentra as incursions d'os nomadas turcos d'o Caucaso ([[Nogaisnogais]], [[Carachaiscarachais]], ezt..) e obtenioron o títol de fidelidat a lo zar.
 
En 1771 bels oirats que fuyiban d'a [[Dzungaria]] ocupata por os [[manchuz]] persuadioron a lo can Calmuco pa tornar t'a tierra orichinal d'os calmucos. O día que dezidioron tornar a Bolga no yera chelata e os calmucos d'a marguin ozidental no podioron dixar as estepas d'a Baxa Bolga, d'esta traza uns 170.000 calmucos d'a marguin oriental emigroron en direzión Dzungaria tenendo choques con os cazacos, y estando derrotatos finalment por os manchuz. As autoridaz manchuz n'establioron beluns en a Bal d'o Ili como colons e n'ixemenoron atros més ta l'este, en territorio mongol.