Abrir menú principal

Cambios

1138 bytes añadidos ,  hace 10 años
enamplo, dende .ca
 
[[Imachen:Bebenhausen rajska zahrada.jpg|right|thumb|300px|[[Claustro]] d'o [[monesterio de Bebenhausen]], wn [[Bebenhausen]], en [[Tübingen]], [[Baden-Wurtemberg]] ([[Alemaña]]).]]
Un '''monesterio''' ye un [[edifizio]] [[Relichión|relichioso]] conzebito ta acullir á os [[monches]], que bi fan a bida en común. En un prenzipio, en os alazez d'o monaquismo en o [[Cristianismo]], o ''monesterio'' yera nomás a [[zela]] d'un unico [[armitaño]] u [[anacoreta]], ta dimpués crezer dica estar un edifizio compartito entre os suyos abitadors, clamatos ''monches''.
 
A [[grandaria]] d'un monesterio puet estar muy bariable: de monesterios muy chicoz á monesterios con una multitud d'edifizios monasticos ausiliars ocupatos por un numero bariable de monches, de un chicot grupo de tres u cuatro á zentenars de monches.
 
L'emplego d'un edifizio ocupato por monches ye común á muitas [[Relichión|relichions]] u [[Filosofía|filosofías]], con a carauteristica común de que os suyos monches abitadors se comprometen á compartir entre ers una bida relichiosa al marchen d'a soziedat zibilzebil en la que ye o suyo orichen. En a mayor parti d'as relichions o establiment d'un moneterio ye sotzmeso á uns regles d'a comunidat, regles que regulan aspectos d'a bida en común: o secso d'os abitadors, a imposizión d'o [[zelibato]] u a renunzia á os dreitos de [[propiedat]] pribata. Tamién ye regulata en bels regles a posibilidat de contactos entre os monches, que pueden estar completament aislatos d'os atros monches, anque compartan o mesmo edifizio. D'atros regles regulan tamién as relazions d'os monches con a soziedat zebil (bi ha ordens dedicatas á l'[[amostranza]], á l'exerzizio d'as profesions [[Sanidat|sanitarias]] u á d'atros serbizios, como a ebanchelizazión d'os seglars u presonas alienas á as ordens relichiosas.
 
O monesterio y os suyos monches cubren as suyas nezesidaz bitals (alimentazión, ropas u d'atras) de maneras muy bariatas: por l'exerzizio d'una profesión como l'[[agricultura]] u a [[ganadería]] ta produzir os suyos propios alimentos y bebidas; por a espezializazión en a produzión d'un producto concreto: [[biera]], [[Bebita alcolica|bebitas alcolicas]], [[queso]], [[repostería]] u d'atros; por as limosnas u donazions d'a soziedat zebil.
 
== Etimolochía ==
A palabra ''monesterio'' tien o suyo orichen en o [[Luenga grieca|grieco]] ''μοναστήριον'' (monastērion), con a radiz μόνος-monos (ye dezir, "uno solo"), por estar en os alazez d'o monaquismo [[Cristianismo|cristián]] toz os monches [[armitaño]]s indibiduals. O primer autor que se conox que emplegó a palabra ''monastērion'' estió o [[filosofo]] [[chodigo]] d'o [[sieglo I]] [[Filón d'Alexandría]].
 
=== Atras palabras en atras culturas ===
En atras luengas y culturas s'emplegan atras palabras ta referir-se á os monesterios. Asinas, os monesterios [[Budismo|budistas]] se claman ''viharas'' (una palabra d'o [[idioma pali]]); as ''viharas'' pueden estar nomás ta monches masculins u ta monchas, u mesmo estar nomás un [[templo]] de culto. En o Budismo [[tibet]]án se claman ''gompas'', y en [[Tailandia]], [[Laos]] y [[Cambocha]] reziben o nombre de ''wat''.
 
En o [[induismo]] os monesterios se claman ''matha'', ''mandir'', ''koil'', u con más frecuenzia ''ashram''; en o [[Chainismo]] s'emplega o termín budista, ''vihara''.
 
== Enrastres esternos ==
142 556

ediciones