Diferencia entre revisiones de «Río Queiles»

Trescurza los [[almendrón (roca)|almendrons]] de lo semontano de lo Moncayo en l'areyaaria de Torrellas, Tarazona e Los Fayos, on bi ha un modelato con [[mallo]]s. Ye prezisament en ixos almendrons de Los Fayos on rezibe l'augua de lo suyo afluent ''Río Cailes'' u ''[[Río del Bal]]'', que tien un entibo en los suyos zaguers kilometros.

Lo río Queiles tien un trazato perpendicular a l'Ebro, pero no siempre ha estato asinas, se sape que i ha habito un fenomeno de [[cautura flubial]] por l'analís cheomorfolochico de las forma de la Cuenca de lo Queiles e de la Cuenca de La Uecha. Este analís amuestra que enantes yera un afluent de La Uecha e i desembocaba en l'areyaaria de [[Bera de Moncayo]], chirando muito más enta l'este auguas ta baxo de Los Fayos e pasando por l'autual [[Uecha de San Martín]], a lo sur d'a sierra formata por l'aliniazión de "La Ziesma", L'"Albortú", lo "Plano del Gorrión" e "Mont Albo", coinzidindo d'alto u baxo con lo trazato de la carretera [[Trasmoz]]-[[Los Fayos]].

Este prozeso de cautura flubial ye en lo marco de cauturas flubials de l'areyaaria surueste de la Cuenca de l'Ebro e que encara continan en l'aria de Soria, on se bei como la Cuenca de l'Ebro se fa més gran a costa de la Cuenca de lo río Duero por la mayor pendient de poder erosibo de los afluents de l'Ebro.