Diferencia entre revisiones de «Val d'Acumuer»

Contenido eliminado Contenido añadido
Pachina nueba: thumb|250px|Situazión d'a bal A '''bal d'Acumuer''' u '''bal de l'Aurín''' ye una bal perinenca formata por o río Aurín e situat...
(Garra diferencia)

Versión d'o 23:59 6 chi 2009

A bal d'Acumuer u bal de l'Aurín ye una bal perinenca formata por o río Aurín e situata en a redolada uescana de l'Alto Galligo, en o monezipio de Samianigo.

Situazión d'a bal

Fan parti d'ista bal os lugars d'Isín, Asqués, Bolás, Asún e a suya capital, Acumuer. Autualment son toz despoblatos, menos Acumuer. L'aczeso á la bal se fa dende Samianigo por Larrés que ye a dentrata natural d'ista.

Cheograficament muga con o Sobremón por l'este, á lo sur con a Bal Ancha, á l'ueste con a Garzipollera e á lo norte con a sierra d'a Partacua, estando a peña Retona (2764 m), punto más alto d'ista sierra tamién a tuca más alta d'a bal. D'antis más se dibidiba o puerto d'Acumuer en as partidas de Plan d'Igués, Espedregueras, Cubilar Nuebo, A Canal, Canales, La Raya u Lera de Sede e Bucuesa.

A cabezera d'a bal ye protechita, estando un puesto d'importanzia comunitaria conoxito como as Turberas d'Acumuer, con una superfizie de 13 etarias. A bal remata en a punta Escarra (triple muga entre os monezipios de Samianigo, Sallén e Canfrán) chunto á lo ibón de Bucuesa, naxedero d'o río Aurín. Á más 91 etarias d'a ribera de l'Aurín tamién se troban protechitas como puesto d'importanzia comunitaria, con selbas de pins, fabars e caxicars prou bien conserbatos.

Por estar una bal prou zarrata s'alzoron as suyas tradizions e identidat cultural, encluyita la luenga aragonesa, dica prenzipios d'o sieglo XX.

Entre l'año 1979 e os años 1990 se quitó gas natural d'os chazimientos que bi eba en ista bal, amán de Isín, estando los más importants d'Aragón. Dende que s'acotoló lo gas istos chazimientos s'han feito serbir como almadazens naturals de gas

Bibliografía