Diferencia entre revisiones de «Pozo de Sant Lazaro»

Contenido eliminado Contenido añadido
Pachina nueba: thumb|250px|Puent de Piedra O '''pozo de San Lázaro''' ye una simera que se troba en o río Ebro entre as dos arcatas más septentrionals d'o ''"...
(Garra diferencia)

Versión d'o 22:21 4 chi 2009

O pozo de San Lázaro ye una simera que se troba en o río Ebro entre as dos arcatas más septentrionals d'o "puent de Piedra" de Zaragoza. A creyenzia popular diz que no tien de fundo e que tot o que i caye o traga. Atros dizen que plega dica Tortosa e que a suya salita ye a mar.

Puent de Piedra

O suyo nombre o prene d'o combento de San Lázaro, establito en 1224 por a orden de Nuestra Siñora de La Merzet, que se trobaba chunto á l'Ebro á man d'o puent de Piedra, en o Rabal.

O pozo ye o puesto que ha esleito muita chent ta rematar con a suya bida, esistindo tamién una leyenda que nos rezenta como dos enamoratos, abendo-se oposato los suyos pais á lo suyo matrimonio, se ligoron o cuello l'un á l'atro con un cachirulo e se capuzoron chuntos en o pozo. Os suyos calábers nunca no se troboron.

En abiento de l'año 1971 un autobus cayó á l'Ebro en ixe punto. L'autubus desaparexió baxo as auguas con nueu personas que no se troboron. Dica 10 años dimpués no lo quitoron de l'Ebro os bombers de Zaragoza.

Enrastres esternos