Diferencia entre revisiones de «Sobrepuerto»

Contenido eliminado Contenido añadido
Pachina blanquiata
m S'han esfeito as edizions de Rey cantonal II (Descusión); retornando t'a zaguera bersión editada por Willtron
Linia 1:
O '''Sobrepuerto''' ye una redolada situata en o [[Perineu]] [[Aragón|aragonés]], entre o [[Sobrarbe]] e l'[[Alto Galligo]]. Fan parti d'o Sobrepuerto os lugars d'[[Ainielle]] en o monezipio de [[Biescas]]; [[Basarán]], [[Escartín]] e [[Otal]], en o de [[Broto]] e [[Cortiellas]], [[Sasa de Sobrepuerto|Sasa]] e [[Ziellas]] en o de [[Yebra de Basa]]. S'encluyen as pardinas de [[Fenés]], [[Niablas]] e [[A Isuala]].
 
Asobén gosan encluyir-se tamién [[Bergua]] e [[Ayerbe de Broto]] por razons más que más culturals, anque en reyalidat no i son en o Sobrepuerto.
 
As altarias ban dende os 1000 m d'o barranco d'Otal ta os 2028 m de [[Manchoya]]. O lugar más alto ye Otal con 1465 m e o más baxo Sasa con 1230. Isto fa que o tempero sia prou duro, se dize que en o Sobrepuerto bi ha ''nueu meses d'ibierno e tres d'infierno''.
 
Bi ha dos cuencas idrograficas, o barranco d'Olibán que desemboca en o [[río Galligo]] e o barranco d'Otal que lo fa en l'[[río Ara|Ara]].
 
==Bechetazión==
En a compleganza alta d'o barranco d'Oliban e a cabezera d'o barranco d'Otal se i troban [[fabo|fabars]]. Atras espezies abituals son os pinos, abez, triámols, [[caxico]]s e [[buxo]]s.
 
==A espoblazión en o Sobrepuerto==
Anque a redolada yera abitata ya dende o [[sieglo XI]] e gosó aber más de mil presonas, güé en diya e ya dende o sieglo pasato toz os lugars d'o Sobrepuerto son albandonatos. A espoblazión d'a redolada empezó dimpués d'a [[Guerra Zebil Española|Guerra Zebil]]. As prenzipals causas d'o prenzipio de l'albandono d'os lugars estioron a esferra feita por a mesma guerra, ya que o frent yera establito en o [[río Galligo]] e a industrializazión d'a redolada. Á más cuasi toz os lugars yeran mal comunicatos e a suya industria yera autarquica e alazetata en o treballo d'os tions.
 
Manimenos a mayor perda d'abitants estió mientres os [[dezenio de 1960|años 60]], cuan muitos d'os lugars estioron crompatos por o Patrimonio Forestal d'o Estado. Os emigrans prenzipalment se'n tresladoron ta [[Samianigo]] que prenzipiaba á esbandir-se como nuclio industrial e ta [[Cataluña]], [[Zaragoza]], [[Uesca]] e [[Monzón]].
 
[[Categoría:Perineus]]
[[Categoría:Sobrarbe]]
[[Categoría:Alto Galligo]]