Diferencia entre revisiones de «Comarcas churras»

Totas mugan con [[probinzia de Tergüel|Tergüel]] fueras d'a Fueya de Buñol. O charrar d'estas redoladas se clama [[churro]], y á os suyos pobladors ''churros''. En o charrar churro a más d'[[aragonesismo (lingüistica)|aragonesismos]] tamién bi ha muitos catalanismos lesicos, y mesmo morfolochicos. Esta denominazión tamién s'ha emplegato con atros sentitos, como á la chen de [[Cuenca]] u [[Tergüel]] que baxaba ta [[Balenzia]]. L'orichen d'esta denominazión no se conox, e se preba d'esplicar por las [[obella]]s churras, por una antiga churrería en [[Balenzia]] salindo en direzión á las redoladas d'interior u por la traza de dizir ''yo churo'' cuan encara charraban [[Idioma aragonés|aragonés]], diferent de lo balenzián ''jo jure''.

Istas redoladas formoron parte d'o [[reino de Balenzia]] dende a suya creyazión. Yeran prinzipalmén de [[repoblazión|repobladors]] que charraban [[Idioma aragonés|aragonés]], d'orichen [[Aragón|aragonés]] y [[Nabarra|nabarro]]. Atras zonas de Balenzia que güei son [[catalán|catalanofablans]] tenioron muitos repobladors aragoneses. Un feito dezisibo que fazió que unas redoladas balenzianas estasen catalanofablans e atras aragonesofablans estió, a parte d'a proporzión lumerica d'os repobladors, las mugas d'as diozesis, como ya beyió [[Menéndez Pidal]]. Los lugars que yeran d'a [[Diozesis de Segorb]] dica [[1960]] ([[L'Alto Palanzia]] e [[Los Serrans]]) charran güei [[churro]] e los lugars d'a [[Diozesis de Tortosa]] charran güei [[Idioma catalán|catalán]]. Sin d'embargo bi ha eszezions: [[Lo Billar (Balenzia)|Lo Billar]], [[Chuliella]], [[Buñol]], [[Siete Aguas]] e [[Chest]] han estato siempre d'a [[Diozesis de Balenzia]] e [[Fanzara]] d'a [[Diozesis de Tortosa]] e se i charra churro por atras zercustanzias, e [[Bechí]] ye catalanofablán encara que aiga pertenexito a la [[Diozesis de Tergüel]].

N'istas redoladas con o tiempo l'[[Idioma aragonés|aragonés]] se [[castellanizazión|castellanizó]], pero dimpués que en l'ueste de [[probinzia de Tergüel|Tergüel]] y [[probinzia de Zaragoza|Zaragoza]], por lo que i quedan más [[Aragonesismo (lingüistica)|aragonesismos]], feito faborexito por mugar con un aria [[catalán|catalanofablán]] on s'alzan carauters comuns con l'aragonés.