Jean-Joseph Saroïhandy

Jean-Joseph Saroïhandy (Saint-Maurice-sur-Moselle, Vosgos, 13 de setiembre de 1867 - París, 24 de chunio de 1932), filologo e ispanista franzés. Jean-Joseph Saroïhandy eba pasato trenta añadas, totas as suyas bacazions, fendo esplorazions lingüisticas en os dos laus d’os Pirineus. O resultato d’istas guallardas e minuziosas rechiras ye una gran cantidá de fichas bien clasificatas, con as que se proponeba de fer una obra de conchunto, tallata por a suya muerte. As fichas bi son en nueu caxas; 70 paquetes de fichas. En o que pertoca a ro bocaburario, ye trestallato en as fichas por lugars. Bi’n ha un total de 11.000 dentratas: ta fer-nos-ne una ideya, podemos zitar as 1200 dentratas d’Ansó, as 800 d’Agüero, u as 700 d’Echo u Bielsa. Reculle testos de 20 lugars altoaragoneses, con un ziento de testos. Más d’una trentena d’articlos en distintas rebistas estió a suya produzión zentifica. Óscar Latas Alegre ha publicato a parti d'a lengua altoaragonesa, baxo ro tetulo Misión lingüística en el Alto Aragón (2005).

Bibliografía

• Georges Hérelle, "Notice sur la vie et les travaux de Jean Saroïhandy" 1932 (necrologia) .
• Jean-Baptiste Daranatz, "Ouvrages de J. Saroïhandy", 1932.
• Julio de Urquijo Ibarra, "Jean Saroïhandy: (1867-1932)", International Magazine of the Basque Studies 23, París, 1932, p. 503-508. ISSN: 0212-7016.
• Óscar Latas, Misión Lingüística de Jean J. Saroïhandy en el Alto Aragón, Ed. Xordica-Prensas Universitarias de Zaragoza, Villanueva de Gállego (Zaragoza, Aragón), 2005. ISBN: 84-96457-06-0