Diferencia entre revisiones de «Cofradía de Nuestro Señor en la Oración del Huerto»

|siedeseu canonica =RR.MM. Franciscanas Clarisas de Santa María de Jerusalén ([[Zaragoza]])

|siedeseu sozial = Ilesia de Nuestra Señora del Portillo ([[Zaragoza]])

A primera prozesión d'a cofadría ye o [[20 d'abril]] de [[1943]], Martes Santo, dende o Combento d'as ''RR.MM de Santa María de Jerusalén'', siedeseu d'a cofadría situata allora en o [[Paseyo d'a Independenzia]] 19. Á l'año siguient a siedeseu se treslada ta ''Nrta. Sra. de Altabas'' ya que lo debantito combento ye tamién tresladato ta atro puesto d'a ziudat, en l'autual Paseyo d'Isabel a Catolica. En [[1948]] atra begata se treslada la siedeseu ta l'autual que ye en a Ilesia d'a Nuestra Siñora d'o Portiello.

* ''Nuestro Señor de la Agonía del Huerto de Jerusalén'' ye una obra anonima d'o [[sieglo XVII]] que no gosa de sacar-se en as prozesions, manimenos ye una d'as imachens más importants e beneratas d'a Semana Santa zaragozana. Representa á Chesús de [[Chetsemaní]], achinollato e plorando con os brazos debantatos enta o zielo. L'orichen d'ista obra s'esplican por una leyenda que diz que acayezioron feitos miraglosos en l'antiga siedeseu d'a cofadría, o combento d'as Franziscanas d'o Paseyo Independenzia, fa bels sieglos. Bi eba en o combento un güerto que mugaba con una carrera en a que bi eban chents de mal bibir e prostitutas. Á una d'as monchas d'o combento, dita Sor Antonia, de buena familia zaragozana, li s'aparixió un esprito que le dizió que fese una capiella en o combento en onor d'a Orazion en Chetsemaní e asinas d'ista traza desaparixerba o bizio d'ixa carrera. E construyó con muitos diners d'a suya familia, que'n teneban prous, una gran capiella, pero as malas chents no disaparixioron d'a carrera mugant. O esprito li s'aparixió atra begata e li dizió que teneba que fer una capiella umilde e no rica como a que eba feito. Asinas que a mocha fazió una atra capiella más senzilla e o bizio disaparixió d'a carrera que yera chunto á lo combento. Un día, dimpués d'istos feitos trucoron á lo torno d'o combento e cuando as monchas i plegoron ta beyer qui yera nomás troboron una imachen de Chesús de Chetsemaní, que ye a mesma que encara ye güé en o combento de Cherusalén en o bico d'a [[Romareda]].