Diferencia entre revisiones de «Sinyoría d'Albarracín»
Contenido eliminado Contenido añadido
Sin resumen de edición |
|||
Linia 54:
En [[1172]] se creyó lo [[Bispato d'Albarrazín]], dependient de l'[[Arzebispato de Toledo|Arzebispe de Toledo]]. La creyazión d'ixe bispato, en cuentra de los intreses de lo bispato de Zaragoza aturó que lo siñorío d'Albarrazín s'adibise a Aragón, e faborexió los intreses de la dinastía local de los [[Casa d'Azagra|Azagra]], que quereban mantener-sen como siñors independients. D'ixa traza lo Siñorío d'Albarrazín no s'incorporó á lo [[reino de Nabarra]] y estió dimpués un estato chicot entre [[Castiella]] e [[Aragón]], con un difizil equilibrio cheopolitico.
Lo prozeso de colonizazión feudal tendió a chenerar aldeyas agrupatas d'inmigrants que s'establiban e selezionaban los espazios agrarios més amplos, dixando los atros como esplotazions perifericas u puestos abandonatos. On millor se bei esto ye en [[Royuela]]. Los Azagra creyoron un [[conzello]] que controlaba a ixas aldeyas e permitiba que las aldeyas ofrexesen una caballería billana. La caballería billana e la baxa nobleza yeran os basallos direutos de los Azagra. Los Azagra teneban a més relazions con los monches de la [[Orden de Zistels]] de [[Monesterio de Piedra|Piedra]] e con la [[Orden de San Chaime]] (por ixo bi ha una [[Ilesia de San Chaime (Albarrazín)|ilesia de San Chaime]] en Albarrazín).
La [[Casa d'Azagra]] entroncó con la [[Casa de Lara]] con lo matromonio de [[Teresa Álvarez de Azagra]] e [[Chuan Núñez de Lara]]. Lo suzesor de Chuan Núñez de Lara iba a estar lo suyo fillo Álvar, que no gobernó porque lo rei [[Pietro III d'Aragón|Pero lo Gran]] embadió lo siñorío, benzió a [[Chuan Núñez de Lara]] en la batalla de lo [[setio d'Albarrazín]] e lo desposeyó en [[1283]]. Pero III adibió lo siñorío a lo [[Reino d'Aragón]] e li'n donó a lo suyo fillo borde que eba tenito con doña [[Inés Zapata]]. La redolada d'Albarrazín estió la zaguera en adibir-se a Aragón, pero la conquista de Pero III no estió definitiba. Pero III reorganizó lo siñorío, dió lo tetulo de ''[[ziudat]]'' a Albarrazín, que dica ixe inte yera ''[[billa]]'' e las aldeyas formoron la [[Comunidat d'Albarrazín]].
| |||