Diferencia entre revisiones de «Betacismo»

O '''betazismo''' ye un fenomeno lingüistico, carauteristico sopre tot d'as [[luengas romanzes]] ozidentals, que consiste en a neutralizazión d'os fonemas /b/ y /w/~/v/ á fabor d'a /b/. O fenomeno prenzipió en o [[latín bulgar]] d'[[Italia]], anque s'estendilló solament en as [[luengas romanzes]] [[Peninsula Iberica|ibericas]], l'[[Idioma oczitán|oczitán]] y lo [[Idioma sardo|sardo]]. Bels lingüistas [[España|españols]] atribuyen iste fenomeno á lo sustrato [[Idioma basco|basco]], porque en basco no bi ha un fonema /v/ ni /w/. Altros lo consideran una eboluzión propia dende o latín bulgar, por as pocas diferenzias acusticas que bi ha entre las consonans /b/ y /w/ ta un fablán no muito culto.

Reyalment se trata de dos fenomens diferens. Primero a conbersión d'a /b/ interbocalica en una fricatiba, anque ista eboluzión ye cheneral en todas as [[luengas romanzes]] (exemplo: CANTABAM > [[Idioma italián|italián]] y [[Idioma portugués|portugués]] ''cantava''). Segundo, a neutralizazión en posizión inizial d'a /b/ y la /w/ en /b/, que podeba ser probocata por o primer fenomeno. Iste zaguer ye carauteristico nomás en as luengas ibericas (eszeuto o [[Idioma portugués|portugués]]), en l'[[Idioma oczitán|oczitán]] zentral y ozidental, y en o [[Idioma sardo|sardo]]. Anque tamién bi ha exemplos d'iste tipo de betazismo en o [[Idioma rumán|rumán]]: VETARANUS > ''bâtrăn''.

== Fuens y enrastres esternos ==