Diferencia entre revisiones de «Berbers en Al-Andalus»

Os berbers establitos en o Sur yeran de o grupo [[Zanata]], como os ''Banu Birzal'' de Ezicha, Carmona y Almodovar del Río, ''Banu Dammar'' de Morón y Arcos, ''Banu Irniyan'', ''Banu Ilyas'', ''Banu Zarwal'', ''Banu l-Jali''. Bi eba colonias de a tribu Aureba por tota a [[probinzia de Chaén]] y familias Azdaya como os ''Banu Dulaym'' y os ''Banu Saquib'' en Morón. Tamién bi eba [[HawarasHawwara]]s como os ''Banu Yahwar'' de Marchena.

Berbers de as Marcas u ''tugur'' yeran en [[Probinzia de Cuenca|Cuenca]], [[Probinzia de Guadalachara|Guadalachara]], [[Probinzia de Toledo|Toledo]], a zona de o [[Guadiana]] con [[Merida]], y zonas de más á norte dica as cuencas de o [[Tajo]] y [[Mongego]] con Talavera, Coria, Medellín, Astorga y Coimbra. Estos zagueros comunicaban con atro nuclio en l'Alto [[Duero]] y o [[Río Xalón|Xalón]] que tamién yeran en contauto con nuclios dispersos en a ''Marca Superior'' u [[Bal de l'Ebro]], como os berbers de [[Monzalbarba]]. En l'este de [[Probinzia de Cuenca|Cuenca]], [[Probinzia de Tergüel|Tergüel]] y [[Probinzia de Zaragoza|Zaragoza]] entran en contauto con os berbers de o nuclio Lebantín (''[[Micnasa]]'' en [[Mequinenza]] y ''Hawara[[Hawwara]]'' en [[Fabara]]).

Parte d'o territorio d'as autuals probinzias de [[Probinzia de Cuenca|Cuenca]], [[Probinzia de Tergüel|Tergüel]], [[Probinzia de Guadalachara|Guadalachara]] y norte de [[Probinzia de Toledo|Toledo]] se clamó [[Cora de Santabariya|Cora de ''Santavariya'']] u ''Santaver'' (pronunziazión arabe de [[Zeltiberia]]), y a suya parte norte teneba más carauter de muga que atras coras de l'[[Al-Andalus]]. A más gran parte de os berbers de as marcas yeran [[HawaraHawwara]] y [[Madyuna]], pero tamién i eba Awsaya (en [[Osella]]), Malzuza, Ulhasa, Sadina, Madyuna y [[Mezmut (confederazión tribal)|Mezmut]].

Os berbers Lebantins yeran en redoladas de as autuals [[Probinzia d'Alicant|Alicant]], [[Probinzia de Balenzia|Balenzia]], [[Probinzia de Castellón|Castellón]], [[Probinzia de Cuenca|Cuenca]], y [[Probinzia de Tergüel|Tergüel]]. Teneban presenzia en o [[río Xiloca]] meyo y alto y as bals de o [[río Guadalabiar|Guadalabiar]], [[Río Cabrigüel|Cabrigüel]], [[Río Millars|Millars]] y [[Río Alfambra|Alfambra]]. Yeran espezialment d'orichen [[HawaraHawwara]] (dixando toponimos tipo [[Fabara]]), y [[Madyuna]], con presenzia de [[Confederazión Zenacha|Zenachas]] y [[Confederazión Zenata|Zenatas]] en o lebant meridional (dixando toponimos como [[Senija]], [[Adzaneta]] y [[Oliva (Balenzia)|Oliva]]). En Alicant se documenta os ''Banu l-Jarrubi''. En [[Taifa d'Alpuén|Alpuent]] yeran presens os ''Banu Dasim'' d'o grupo [[Kutama]]. En [[Tergüel]] e [[Billel]] yeran emirs os ''Banu Amira'' e os ''Banu Gazlun'', que pertenexeban á la tribu ''Ulhasa'', branca d'os [[Nafza]].

En as [[Balears]] se crei que i abió clans y familias [[Confederazión Gomara|Gomara]], Matgara, [[HawaraHawwara]], [[Confederazión Mezmut|Masmuda]], Zanata, Sadina, Malila, Nafza, Taskura y Masufa. Os ''Banu Ganiya'', que yeran representans de os [[Almorabez]], en o gobierno de as islas yeran masufas.