Diferencia entre revisiones de «L'Aínsa»

As añadas meyebals estieren duras en l'Aínsa, como á muitos d'es lugars d'o meyo e baixo [[Sobrarbe]], pero espezialment astí per estar a capital de l'alloras [[Condato de Sobrarbe|condato]]. O periglo constant d'enrestidas [[sarradín|sarradinas]] fizore que es abitants d'ixe premitibo lugar abioren d'alzar murallas ta rezerar as suyas casas, asinas como de fer belas enamplazions consecuetibas d'o [[Castiel de l'Aínsa|castiello]] que no se rematoren dic'o [[sieglo XVII]]. Asinas, a funzión cabal de l'Aínsa como á puesto zentral d'as grans bías flubials d'o [[Sobrarbe]], feban que estiore a ''Bila d'a Zinca'' a interpresa més acodiziata ta es enemigos de l'emerchent chuniónunión cristiana d'es [[perinés|Perineus]], e condizionoren l'establimiento, con altras fortificazions d'a redolada como [[Abizanda]] u [[Tronzedo]], d'una rengla conchunta de puestos fortificatos, que ye clamata autualment como á ''[[Rengla d'Esfensas de Sobrarbe]]''. A bila amurellata yera asinas conbiertiendo-se ent'o lugar més important d'ista aria, chustificando de bela forma a importanzia que aganeba cada begada més o [[Condato de Sobrarbe]] aintro d'a confederazión con o [[Reino de Nabarra]] que plegore ta fer que estás reconeixito como á ''[[Reino de Sobrarbe|Reino]]'' ta estar añadas dimpués afechato ent'[[Reino d'Aragón|Aragón]].