[[Imachen:Numancia.jpg|thumb|300px|Murallas de Numanzia]]
As armas yeran forchatas en o [[Moncayo]] á on bi eba minasmenas de [[fierro]] e l'augua d'os ríos. Istas yeran mui conoixitas, sobre tot por o temple que daban os numantinos á las espadas, que yeran sagratas ta els. Si o guerrero se desprendeba d'ellas, perdeba a onor, y por ixo les yera imposible pautar a paz con os [[Antiga Roma|romans]]. Mesmo en a pira funeraria, as armas acompañaban á o guerrero. Istas armas yeran famosas ya que podeban ferir igual de punta como de tallo. A más famosa estió a ''[[falcata]]'', que os romans fazión suya dimpués. Chunto á la espada, o guerrero portaba un puñal. Antimás, teneban lanzas e benablos, iste zaguero, curto e con punta de gancho. A ''falarica'' yera un benablo zilindrico fueras d'a parte d'o fierro, que yera cuadrata. S'arrullaba enzendito. A ''falarica'' ye l'antezesor numantino d'o ''pilum'' román.
