Diferencia entre revisiones de «Variola virus»

Contenido eliminado Contenido añadido
mSin resumen de edición
mSin resumen de edición
Linia 13:
''Variola virus'' ye un virus con embuelta membranosa (construita á partir d'a membrana de l'[[apariello de Golgi]] d'as zelulas d'o güespet) que deixa á dintro una [[capside virica]] de simetria helicoidal, con unas dimensions aprosimatas, en chunto, de 302 dica 350 [[nanometre]]s de lonchitut, per bels 250 - 270 nm d'ampluera. O [[chenoma]] consist d'un fragmento només (bi ha ''virus'' DNA que lo lieban fragmentato, p. ex. [[Influenza virus|lo virus d'a gripe]]), de [[virus DNA bicatenario|dople catiena de DNA]], con forquetas d'apariellamiento de bases en os estremos d'a suya següenzia, con una lonchitut aprosimata de 186 [[pars de bases|kilopars de bases]] (ixo ye, una particla virica muit gran). O virión u particla virica sin de cubierta membranosa (per eixemplo, estraito per lisis zelular ''in vitro'' d'una zelula infeutata, u bien, labata con deterchents espezificos) mantién a suya infetibidat, á la cuentra que muitas altras espezies viricas con embuelta lipidica.
 
A espezie virica més emparentata ye lo ''[[Molluscum contagiosum virus]]'' (chénero ''[[Molluscopoxvirus]]''), causant d'un tipo de berrugas epidermicas (lo ''[[Molluscum contagiosum]]'') totalment inocuas.
==Zirclo replicatibo==
O zirclo replicatibo de ''Variola virus'' ye bien complicato, doncas encluye tamién dibersas formas infetibas, que tienen mecanismos diferents ta dentrar en a zelula. A primera fase replicatiba se produze en a mucosa d'a farinche d'a presona, adubendo-se la primera viremia (viremia primaria) d'entre 17 e 21 diyas dempués d'o contachio. Zaga d'ixo, amaneixen picuetas en a [[luenga]] e cuan istas s'ubren, se fa cheneral l'aparizión d'o ''rash maculopapular'' en tot o cuerpo, dintro d'un plazo de 4 diyas dende la primera afezión d'a farinche. Como la mé sgran parte d'as infezions viricas, la primera viremia no produze garra sintoma carateristico, si que fa [[frebera]], mal de capeza, e os tepicos sintomas asoziatos con as infezions viricas en cheneral (ixo ye perque la respuesta inmune antiviral sigue cuasi siempre las mesmas bías).