Diferencia entre revisiones de «Bucardo»

Se'n diz '''bucardos''' d'una colla d'espezies de [[mamifero]]s erbiboros d'a familia d'es [[bovidae|bóbidos]], sozfamilia d'es [[caprinae|caprins]], e d'ixa traza parients salbaches d'a [[craba]] domestica. En cheneral, ista parola fa referenzia ent'as espezies es masclos d'as cualas tienen [[cuerno]]s grans e destacables, e también una estrutura corporal robusta. Animals d'estruturas més grazils poderían ser clamatos ''crabas'' simplement.

En es [[pirinés|perineus]] hi eba abito una sozespezie d'o [[Capra pyrenaica|bucardo iberico]], concretament a ''Capra pyrenaica pyrenaica'', que eba bibito dende [[Probinzia de Chirona|Chirona]] enta [[Nabarra]] y per ixo en contauto con es territorios de [[aragonés|fabla aragonesa]]. Alabez, cuan ixe animal estiore agosant-se en o zillo de ra extinzión, á finals d'o [[sieglo XX]], es meyos de comunicazión [[españa|españols]] emprenziparon á fer marchar a parola aragonesa ''bucardo'' ta desinnar ixa sozespezie en concreto, fendo que muta chent á redol d'o país se penseba que yera o nome común exclusibament ta clamar-ne d'ixe animal. Ista situazión ha plegato á desplazar o sinnificato regular d'a parola encluso en l'[[aragonés]], á on "''bucardo''" ye, per propio, cualsiquier craba salbachina d'ixas carauteristicas descritas. Posiblement,Ye fazil que en tiempos d'antis, también se'n dezís ''bucardos'' d'as bestias cabrunas d'altras montañas d'[[Aragón]], como en as sierras de [[Probinzia de Tergüel|Tergüel]], á on encara güei en bi ha y que no están pas de ra bariedat perinenca extinchita. Por testos notarials de l'aria de [[Castellot]] se sape que a la sozespezie [[Capra pyrenaica hispanica]], que se cazaba a sobent, la clamaban ''Craba salbachina'' encara en o [[sieglo XV]].