Diferencia entre revisiones de «Castiello Mayor»

O mallo d'o '''Castiello Mayor''' (tamién '''''Castiel Mayor''''' ocasionalment) ye una formazión [[calsinera]] que se troba d'entre la [[balle de Puértolas|balle de Puértolas]] e [[balle de Tella|la de Tella]], anque por suerts d'a partizión monezipal, está de raso á dintro d'o monezipio de [[Puértolas|Puértolas]], pos éste encluye mesmo los lugars d'o canto meridional ([[Puértolas|Puértolas]], [[Bestuer]], [[Santa Chusta de Puértolas|Santa Chusta]]) como los d'a man norte ([[Biés]] e [[Escuaín]]) anque éstes zagueros se troban albocatos en a balle de Tella.

 

[[Image:110.Mallarruego.JPG|200px|left|thumb|A dibersidat floristica d'o paco d'o Zillo de Mallarruego, en l'endreito d'a ''Font Frida'' ([[Escuaín]]).]]

Per o sur-ueste, las [[glera]]s d'''As Col·laruelas'' en fan la baixada enta los ''barrancos de l'Arrés'' per la man [[Puértolas|puertolasa]]. Perque ye tan ferioso per os cantos, embironato cuasi en os 360º per [[zillo]]s e [[peña]]s que fan d'ir como que son murallas (per ixo ye que tiene l'apelatibo ''castiello''), ye una montaña bien pardicular, pos nomás permite de puyar-be per una [[canal]] que tiene per o canto de [[Puértolas|Puértolas]], la dita ''solana d'o Castiello'', ésta ye tan estreita que ta trancar-la no cal si que un [[barannato]] simple, de poquez metros, que deixa tota la montaña combertida en una [[corral]] chigantiza, e asinas s'ha emplegato tradizionalment.