Orden de Sant Benedet

La Orden de San Benedet u de San Benedit yera una orden relichiosa que fundó Benedet de Nursia e que sigue lo Regle de San Benedet ditata por él en 764 pa la badía de Montecasino. Benedet de Nursia contribuyó d'una traza dezisiba a la ebanchelizazión d'Europa, por lo que lo consideran Patrono de Europa.

San Benedet de Nursia (c. 480-543), d'un detalle de lo fresco de Fra Angelico, Baselica de San Marco, Florenzia (c. 1400-1455).

Autualment la Orden se troba amplament por tot lo mundo, con moneterios masculins e femenins.

Seguindo lo suyo exemplo e inspirazión, bels fundadores d'ordens relichiosas han basato la normatiba de lurs monesterios en lo Relge dexato por Benedet, que tien como prenzipio fundamental Ora et labora, ye dizir, priega e treballa.

Los monesterios beneditins los diriche siempre un superior que, dependendo de la categoría de lo monesterio, puet clamar-se prior u abate; este lo triga lo resto de la comunidat. Lo ritmo de bida beneditín tien como exe prenzipal l'Ofizio Dibín, tamién clamato Liturchia de las oras, que se priega siet begatas a lo diya, como San Benedet ordenó. Chunto con la intensa bida d'orazión en cada monesterio, se treballa a manta en diferens autibidaz manuals, agricolas, ezetra., pa que la comunidat pueda mantener-se sola.