Diferencia entre revisiones de «Cofradía de la Crucifixión del Señor y de San Francisco de Asís»

contino fendo as cofadrías...
(contino fendo as cofadrías...)
|}}
 
A '''Cofradía de la Crucifixión del Señor y de San Francisco de Asís''' (en [[aragonés]] ''Cofadría d'a Cruzificazión d'o Siñor e de Sant Franzisco d'Asís'') ye una [[Confraría relichiosa|cofadría]] d'a [[Semana Santa de Zaragoza|Semana Santa zaragozana]].
 
==Istoria==
Eredera d'a Benerable Orden Terzera, que encara organizaba o Santo Entierro dica meyatos d'o [[sieglo XIX]], a cofadría naxe o [[12 d'abril]] de [[1951]] dimpués d'una reunión entre a Fraternidat de Santa Catalina, os Franziscans d'o Rabal e os Capuchins de Sant Antonio en Torrero, que yeran as tres fraternidaz d'a [[Orden Terzera de San Franzisco]] en [[Zaragoza]].
 
Manimenos a istoria d'ista cofadría en a Semana Santa zaragozana prenzipia en l'año [[1219]] cuan Frai Chuan de Florenzia, suzesor de San Franzisco, establió en Zaragoza un combento d'a suya orden que prenzipió á construyir-se amán d'a muralla d'a ziudat en l'año [[1286]], rematando-se en [[1357]].
 
Mientres d'o [[sieglo XVIII]] a Benerable Orden Terzera s'encarba d'a organizazión d'as tres prozesions de Semana Santa chunto a la Sangre de Cristo: a Trobada o Martes Santo, o Santo Entierro lo Biernes Santo e a Resurrezión o [[Domingo de Pascua]].
 
Mientres d'a [[Guerra d'a Independenzia]] o combento de Sant Franzisco, siede d'a orden estió destruyito por os franzeses e se perdioron muitos d'os pasos propiedat d'a orden e d'a Sangre de Cristo. Bels años dimpués, en [[1819]] prenzipian os problemas entre ambas instituzions, cuan a Sangre de Cristo diz que a Orden Terzera ye intentando apropiar-se d'os antiquismos dreitos e pribilechios que teneba la chirmandat. Asinas dimpués d'años de pleitos, en os que encluso se fazioron prozesions d'o Santo Entierro paralelas organizatas por as dos instituzions, á la fin o [[27 de mayo]] de [[1827]] debant de D. Joaquín Pardo y Vicente, notario de Zaragoza, s'alcuerda que a Sangre de Cristo estarba la unica chirmandat con dreito ta organizar a prozesión d'o Santo Entierro.
 
En [[1952]] s'establió canonicament l'autual cofadría e ya partiziporon en a Prozesión d'o Santo Entierro d'ixe mesmo año, feita o 12 d'abril. O primer nombre d'a cofadría estió ''Cofradía de la Crucifixión del Señor y de la Venerable Orden Tercera de San Francisco de Asís'' ya que nomás yeran franziscans os suyos miembros.
 
Dende [[1953]] se fa o [[Martes Santo]] lo tradizional ''Vía Crucis'' franziscán dende a Ilesia de Sant Antonio dica Santa Isabel de Portugal (San Cayetano). Se creya la sezión de tambors en l'año [[1967]]. En [[1989]] se fa por primera begata la prozesión por as carreras d'o bico zaragozano d'o [[Rabal (Zaragoza)|Rabal]].
 
==Pasos==
[[Imachen:El Calvario (Semana Santa de Zaragoza, Aragón).jpg|250px|thumb|O Calbario]]
*''O Calbario'': Obra d'o escultor José Alegre de [[1841]]. En a eszena aparixen tres cruzes, Chesús e os dos ladrons á los suyos costatos e o [[Mont Calbario]]. D'atra mán i son as imachens de María e San Chuan e Longinos denzima d'un caballo. Dende [[1940]] yera paso tetular d'a ''[[Cofradía de las Siete Palabras y de San Juan Evangelista|Cofradía de las Siete Palabras y de San Juan]]'' dica [[1952]] cuan paso a estar o paso d'a cofadría d'a ''Crucifixión del Señor y San Francisco de Asís''. Á lo prenzipio iste paso no teneba ruedas, e por ixo teneba que estar portiato por 20 cofadres, pero más tardi le s'adibioron.
 
*''Pedaina de Cristo Cruzificato'': Ye propiedat d'a parroquia de Chesús Mayestro e sale con a cofadría en o Vía Crucis de Martes Santo por as carreras d'o bico de Chesús de Zaragoza.
 
==Uniforme e emblema==
Tunica marrón con cordón e nugo franziscán e terzerol beige.
 
O emblema ye o tradizional d'a Orden Terzera á on aparixe una cruz sobre una boira con dos brazos, un desnudo que ye de Chesús e un atro bestito que ye de San Franzisco.
 
{{Cofadrías de Zaragoza}}