Diferencia entre revisiones de «Capítol metropolitano»

Contenido eliminado Contenido añadido
Sin resumen de edición
Sin resumen de edición
Linia 1:
'''Capítol metropolitán''' estió un termin creyato por la [[Ilesia Catolica]] pa referir-se á l'orgán executibo eclesiastico que bi ha en a ziudat, encargato de cuidar-ie e gobernar-ie las ilesias més grans (por exemplo las [[Seu|seus]]) en lurs aspeutos liturchicos, preparazión e execuzión de los presupuestos, e a més de los quefers mande la [[diozesis]] á la que pertenexcan.
 
Cuan en una ziudat nomás bi ha que una ilesia mayor, lo [[capitol de la Seuseu]] cumple la funzión de ''capitol metropolitán''.
 
Bi ha un titol benefizial que se da a bels miembros de lo capítol metropolitán que s clama ''dinnidat eclesiastica'' e que da preferenzia sopre los atros miembros. Lo suyo lumero e nome no se fundoron en lo dreito común eclesiastico, se fundoron en los requisitos organizatibos de la bida regular e de cadaguna de las diozasis y en los costumbres de cada ilesia. La bida en común requereba la creyazión de bels cargos pa lo rechimen, disziplina e alministración de lo capítol; e lo gobierno de la diozesis recomendaba la presenzia en las seus de los arzedianatos e arziprestazgos que i eba en lo mapa eclesiastico.
 
Lo '''Capítol''' lo forman un '''[[deán]]''' (que fa como president), l''''[[arziagne]]''', lo ''[[capiscol]]'' u ''[[cantor]]'', lo ''[[mayestre]]'' e lo ''[[tresorero]]''. Chunto á ellos se troban las ''calonchías'', en lumero bariable seguntes un capitol y atro, on bi ha calonches, diacons, sozdiacons y en bels casos (en los capitols més grans) los [[capellán|capellans]].
 
Ye claro que la primera dinnidat yera la de lo bispe (''EPISCOPUS'' en latín) en cada capítol e diozesis: Uesca-Chaca, Roda, Zaragoza, Albarrazín e Tarazona, añadendo-lis-se Balbastro, Tergüel e Chaca en lo sieglo XVI, cuan s'independizó de Uesca. En lo plano peninsular, dende 1318 la primera dinnidat eclesiastica estió la de l'arzebispe (latín ''ARCHIESPICOPUS'') de Zaragoza.
 
Lo prior (''PRIOR'' en latín) teneba lo primer puesto dimpués de lo bispe e presidiba lo capítol regular; esistió en las seus de Uesca e Chaca dica prinzipios de lo sieglo XIV, en la Colechial de Borcha dica os S XVI-XIX, en la Seu de Zaragoza dica lo sieglo XVII e en la de Roda dica lo XVIII.
 
Lo Deán (''DECANUS'' en latín) presidiba los capítols seculars de Tarazona e Albarrazín; lo nome de prior lo sustituyoron por lo de deán en las atras seus aragonesas asinas como se secularizaban, fueras de lo de Roda, una seu esdebenita en simpla colechiata dependient de Lerida.
 
Los Prebost u Pabostre (''PRAEPOSITUS'' en latín) s'encargaba de l'alminestrazión de los biens de la mensa común: perzezión de rendas e distribuzión de razions canonicals en espezie e diners.
 
L'Arziagne (''ARCHIDIACONUS'' en latín) yera tioricament lo primer de los diacons, a qui competeba la presentazión de los ordinandos a lo bispe e que teneba churisdizión e dreito de bisita sopre lo clero de la demarcazión eclesiastica clamata arzedianato.
 
Lo ''sacrista'' u ''sagristán mayor'' (''SACRISTA'' en latín) almenistraba los biens de la sacristía e satisfeba los gastos de culto; bellas begatas rezibiba lo titol de tresorero. Lo ''cantor'' u ''capiscol'' (''PRECENTOR'' u ''CANTOR'' en latín) rechiba lo canto coral e ordenaba los serbizios d'altar e coro. L' ''almosnero'' (''HELEMOSINARIUS'' en latín) en Uesca e Chaba gobarnaba la [[Casa de l'Almosna]] e atendeba a los pobres e enfermos. L'infirmario (''INFIRMARIUS'' en latín), cudiaba de la enfermería canonical; dinnidat que no esistiba en los capítols seculars e que la suprimioron en los secularizatos.
 
== Enrastres esternos ==